[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

“மிக்க நன்றி தளபதி”- ஸ்டாலினுக்கு நன்றி கூறிய ரஜினி..!

rajinikanth-thanks-to-mk-stalin

பிறந்த நாள் வாழ்த்து கூறிய பலருக்கும் நடிகர் ரஜினி தனது நன்றியினை தெரிவித்து வருகிறார்.

கே.பாலச்சந்தர் இயக்கத்தில் அபூர்வ ராகங்கள் படம் மூலம் தமிழ் திரையுலகிற்கு அறிமுகமான ரஜினி, 40-ஆண்டுகளுக்கும் மேலாக சினிமா துறையில் தனது ஆதிக்கத்தை செலுத்தி வருகிறார். அத்துடன் தற்போது அரசியலிலும் களம் இறங்கியுள்ள அவர் எதிர்வரும் சட்டமன்றத் தேர்தலில் போட்டியிடுவேன் என கூறியுள்ளார்

இந்நிலையில் இன்று ரஜினி தனது 69-வது பிறந்த நாளை கொண்டாடுகிறார். இதனையொட்டி அவரின் ஏராளமான ரசிகர்கள் தங்களது சமூக வலைத்தள பக்கங்கள் மூலம் அவருக்கு வாழ்த்து தெரிவித்து வருகின்றனர். இதேபோல நடிகர் கமல்ஹாசனும் ரஜினிக்கு பிறந்த நாள் வாழ்த்து தெரிவித்துள்ளார். இதுதொடர்பாக தனது ட்விட்டர் பக்கத்தில் பதிவிட்டுள்ள அவர், “என் பல ஆண்டு நண்பர், சக மாணவர், சூப்பர் ஸ்டாருக்கு பிறந்த நாள் வாழ்த்துக்கள். நம் நட்பும், வெற்றிகளும் தொடரட்டும்.” என கூறியுள்ளார்.

 

மு.க.ஸ்டாலினும் ரஜினிக்கு பிறந்த நாள் வாழ்த்து தெரிவித்துள்ளார். அதில், “திரையுலக சூப்பர் ஸ்டாரும், அருமை நண்பருமான ரஜினிகாந்த் அவர்களுக்கு இனிய பிறந்தநாள் வாழ்த்துகள்! வாழ்க வளமுடன்! நலமுடன்!” என கூறியுள்ளார். இதற்கு பதிலளித்துள்ள நடிகர் ரஜினி, “வாழ்த்துகளுக்கு மிக்க நன்றி தளபதி அவர்களே. உங்கள் நண்பன், ரஜினிகாந்த்” என கூறியுள்ளார்.

இதுதவிரவும் மத்திய இணையமைச்சர் பொன்.ராதாகிருஷ்ணன், தமிழ்நாடு காங்கிரஸ் கமிட்டித் தலைவர் திருநாவுக்கரசர், இயக்குநர் ஷங்கர், நடிகர்கள் அமிதாப் பட்சன், மோகன் லால் உள்ளிட்ட பலரும் ரஜினிக்கு வாழ்த்து தெரிவித்துள்ளனர். ரஜினி அவர்களுக்கு தனது ட்விட்டர் பக்கத்திலேயே நன்றி தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close