திருப்பதி ஏழுமலையான் கோயிலில் தரிசன டிக்கெட் மற்றும் லட்டு மீது ஜி.எஸ்.டி. வரி இல்லை என்று ‌அறிவிக்கப்பட்டுள்ளது.

ஜி.எஸ்.டி. வரியால் தேவஸ்தானத்திற்கு 32 கோடி ரூபாய் நிதிச்சுமை ஏற்பட்டுள்ளதாக கோவில் செயல் அலுவலர் அனில் குமார் சிங்கால் தெரிவித்துள்ளார். ஜி.எஸ்.டி. வரி மூலம் 1000 ரூபாய் முதல் 2500 ரூபாய் வரை உள்ள அறைகளுக்கு 12 சதவீதம், 2500 ரூபாய்க்கு மேல் உள்ள அறைகளுக்கு 18 சதவீதம் ஜி.எஸ்.டி. வரி பக்தர்களிடம் இருந்து பெறப்படும் என்றும் அவர் தெரிவித்தார்.  தேவஸ்தான சார்பில் விற்கப்படும் தங்க டாலர் விற்பனையின் மூலம் 3 சதவீதம் ஜி.எஸ்.டி. வரி வசூல் செய்யப்படும் என்றும் அவர் கூறினார். தேவஸ்தானம் சார்பில் அன்னதானம், லட்டு பிரசாதம் தயார் செய்ய வெளி மார்க்கெட் மூலம் பெறப்படும் மூலப்பொருட்களுக்கு ஜி.எஸ்.டி. மூலமாக ரூ. 32 கோடி வரி செலுத்த வேண்டி உள்ளதாகவும் ஏழுமலையான் கோவில் செயல் அலுவலர் தெரிவித்தார்.