[X] Close

கட்சி பெயர்.. தொடங்கும் நாள்.. அறிவிப்புகளை நாளை வெளியிடுகிறாரா ரஜினி..?

அரசியல்,தமிழ்நாடு

Rajinikanth-may-announce-political-party-tomorrow

2021-ம் ஆண்டு தேர்தலுக்கு தமிழக அரசியல் தயாராகி வருகிறது. திமுக, அதிமுக போன்ற பிரதான கட்சிகள் ஏற்கெனவே தேர்தல் தொடர்பான பணிகளை தொடங்கிவிட்டன. குறிப்பாக 2021-ம் ஆண்டு தேர்தலில் எதிர்பார்க்கப்படும் அரசியல் வருகையாக இருக்கிறார் ரஜினி. இன்னும் கட்சி தொடங்கப்படவில்லை என்றாலும் சமீபத்திய அரசியல் செய்திகளில் ரஜினியின் பெயர் அடிக்கடி வந்து போகிறது. அவ்வப்போது மக்கள் மன்றத்தினரையும் ரஜினிகாந்த் சந்தித்து ஆலோசனை நடத்தி வருகிறார்.

image

கடந்த வாரம் சென்னையில், ரஜினிகாந்த் தலைமையில் நடைபெற்ற ரஜினி மக்கள் மன்றத்தினர் கூட்டத்தில் 36 மாவட்டங்களின் செயலாளர்கள் கலந்து கொண்டனர். அந்த கூட்டத்தில் தற்போதைய அரசியல் நிலவரம், ரஜினியின் அரசியல் வருகை, மாவட்ட செயலாளர்களின் பணி உள்ளிட்ட விவகாரங்கள் குறித்து பேசப்பட்டதாக சொல்லப்பட்டது.


Advertisement

அப்போது, பாரதிய ஜனதா கட்சியுடன் கூட்டணி என்பது உண்மையல்ல என நிர்வாகிகளிடையே அவர் தெரிவித்ததாக தகவல் வெளியாகின. அக்கூட்டத்தின் முடிவில், ஒரு விஷயத்தில் தனக்கு ஏமாற்றமென ரஜினி கருத்து கூறியிருந்தது பெரும் அதிர்வலைகளை ஏற்படுத்தியிருந்தது.

image

மேலும், கட்சி தொடங்கி எதிர்காலத்தில் ஆட்சியமைக்கும் சூழல் ஏற்பட்டால், தான் முதலமைச்சராக பதவி ஏற்கப்போவதில்லை என்றும், கட்சியின் தலைமைப் பொறுப்பை மட்டுமே வகிக்கப்போவதாகவும் ரஜினி கூறியதாக தகவல் வெளியானது. ரஜினிகாந்த் எப்போது கட்சி தொடங்கப்போகிறார்? கமல், பாஜக என பல திசைகள் இருக்கும் பட்சத்தில் ரஜினிகாந்த் தேர்ந்தெடுக்கப்போகும் திசை எது? அல்லது தனித்திசையில் பயணிக்கப்போகிறாரா என பல கேள்விகள் எழுந்துள்ளன.

இந்நிலையில் மக்கள் மன்ற நிர்வாகிகளை ரஜினிகாந்த் நாளை மீண்டும் சந்திக்க உள்ளார். சென்னையில் ‌உள்‌ள ராகவேந்திர ‌‌மண்டபத்தில் நாளை காலை எட்டு மணிக்கு கூட்டம் நடைபெறவுள்ளதாக கூறப்பட்டுள்ளது. இந்தக் கூட்டத்தில் ரஜினிகாந்த் அரசியலுக்குள் நுழைவதற்கான ஏற்பாடுகள் குறித்து நிர்வாகிகளுடன் அவர் விவாதிக்கலாம் என எதிர்பார்க்கப்படுகிறது.

image

இது குறித்து டைம்ஸ் ஆஃப் இந்தியா வெளியிட்ட செய்தியில், மக்கள் மன்ற நிர்வாகிகளை நாளை சந்திக்கும் ரஜினி கட்சியின் பெயரை அறிவிக்க வாய்ப்புள்ளது என தகவல் வெளியாகியுள்ளதாக கூறப்பட்டுள்ளது. மேலும் கட்சித் தொடங்கப்போகும் நாள், அடுத்தக்கட்ட அரசியல் நகர்வுகள் குறித்து தகவல் வெளியாக வாய்ப்புள்ளதாக குறிப்பிடப்பட்டுள்ளது.

திருமணத்திற்கு மீறிய உறவு; கையில் இருந்த பணம் காலி - காதலியுடன் விஷமருந்திய காவலர்

Advertisement:

Advertisement

Advertisement
[X] Close