[X] Close

புகழ்பெற்ற முத்த ஜோடி சிலை சேதம் - மீண்டும் ஒரு மீடூ சர்ச்சை

Statue-of-WWII-sailor-kissing-nurse-vandalized-with

இரண்டாம் உலகப்போர் முடிவுற்ற களிப்பில் அடையாளம் தெரியாத பெண்ணை வாலிபர் ஒருவர் முத்தமிட்டு வைரலான புகைப்படத்தின் சாயலில் உருவாக்கப்பட்ட சிலையை சிலர் சேதப்படுத்தியிருப்பது அதிர்ச்சியை ஏற்படுத்தியுள்ளது. 

இரண்டாம் உலகப் போர் முடிவுற்ற மகிழ்ச்சியில் அமெரிக்க கப்பற்படை மாலுமி ஒருவர் சாலையில் சென்றுக்கொண்டிருந்த முகம்தெரியாத பெண்ணை முத்தமிட்டார். இதனை அல்ஃப்ரெட் ஐசென்ஸ்டாத்ட் என்னும் புகைப்படக்கலைஞர் புகைப்படம் எடுத்திருந்தார். 


Advertisement

இந்தப் புகைப்படம் 1945 ஆம் ஆண்டு‌ லைஃப் என்ற வார இதழில் வெளிவந்து வைரலானது. இப்புகைப்படத்திலிருந்த கப்பற்படை மாலுமியான ஜார்ஜ் மெண்டோன்சா நேற்று உயிரிழந்தார். இதற்கிடையில் புகழ்பெற்ற இந்த முத்த ஜோடிகளுக்கு அமெரிக்காவின் புளோரிடா மாகாணத்தில் சிலை வடிவமைக்கப்பட்டுள்ளது. 

இந்நிலையில் அந்தச் சிலையை அடையாளம் தெரியாத நபர்கள் சேதப்படுத்தியுள்ளனர். பெண்ணின் காலில் #METOO என சிவப்பு நிறத்தில் எழுதிவைத்து சென்றது சர்ச்சையை ஏற்படுத்தியுள்ளது. பெண்ணின் விருப்பம் இல்லாமல் ஒரு ஆண் பெண்ணை முத்தமிட்டதால் இதனை மீடூ விவகாரத்தில் இணைத்ததாக சமூக ஆர்வலர்கள் தெரிவித்துள்ளனர். பொதுவெளியில் அமைக்கப்பட்டுள்ள இந்தச் சிலையில் எழுதப்பட்ட #METOO வார்த்தைகளை பணியாளர்கள் சுத்தம் செய்தனர்.
 

Advertisement:

Advertisement

Advertisement
[X] Close