[X] Close

பாலியல் வன்கொடுமைகளுக்கு எதிராக நள்ளிரவில் ராகுல்காந்தி பேரணி

Rahul-Gandhi-Midnight-rally

பெண்கள் மற்றும் குழந்தைகள் மீதான வன்முறைகளை தடுக்க மத்திய அரசு நடவடிக்கை எடுக்க வேண்டும் என ராகுல்காந்தி வலியுறுத்தியுள்ளார்.

காஷ்மீரின் கத்துவா மற்றும் உத்தரப்பிரதேசத்தின் உன்னாவ் ஆகிய பகுதிகளில் சிறுமிகள் பாலியல் வன்கொடுமைக்கு ஆளாக்கப்பட்ட சம்பவங்களுக்கு கண்டனம் தெரிவித்து காங்கிரஸ் உறுப்பினர்கள் கட்சி தலைவர் ராகுல் காந்தி தலைமையில் தலைநகர் டெல்லியில் மெழுகுவத்தி ஏந்தி பேரணி மேற்கொண்டனர்.


Advertisement

டெல்லி இந்தியா கேட் அருகே நடைபெற்ற பேரணியில் ராகுல் காந்தியின் சகோதரி பிரியங்கா வதேரா, காங்கிரஸ் மூத்த தலைவர்கள் அகமத் படேல், குலாம்நபி ஆசாத், சல்மான் குர்ஷித் உள்ளிட்டோர் பங்கேற்றனர். மேலும் பல்வேறு எதிர்க்கட்சியைச் சேர்ந்தவர்கள், பொதுமக்கள் என நூற்றுக்கணக்கானோர் மெழுகுவத்தி ஏற்றி நள்ளிரவு பேரணியாக சென்று தங்கள் எதிர்ப்பை பதிவு செய்தனர். அங்கு செய்தியாளர்களிடம் பேசிய ராகுல்காந்தி, அநீதி இழைக்கப்பட்ட பெண் குழந்தைகளுக்கு நீதி கிடைக்கவேண்டும் என தெரிவித்தார். பெண்கள் மற்றும் குழந்தைகள் மீதான வன்முறைகளை தடுக்க மத்திய அரசு நடவடிக்கை எடுக்க வேண்டும் என்றும் வலியுறுத்தினார்.

Advertisement:

Advertisement

Advertisement
[X] Close