பாரதிய ‌ஜனதா கட்சியின் அடித்தளமே பொய்களால் ஆனது என காங்கிரஸ் தலைவர் ராகுல் காந்தி விமர்சித்துள்ளார்.

காங்கிரஸ் தலைவராக தேர்ந்தெடுக்கப்பட்ட பின் முதல் முறையாக ராகுல் காந்தி தலைமையிலான காரியகமிட்டிக் கூட்டம் டெல்லியில் நடைபெற்றது. இதில் பேசிய ராகுல்காந்தி, 2 ஜி முறைகேடு வழக்கில் உண்மை வெளிவந்துள்ளதாக கூறியுள்ளார். அனைவரது வங்கி கணக்கிலும் 15 லட்சம் ரூபாய் செலுத்தப்படும் என்ற பிரதமர் மோடியின் வாக்குறுதி என்ன ஆயிற்று என வினவிய அவர், மோடியின் ‌நிர்வாகத் திறமைக்கு குஜராத் மாநிலம் முன்மாதிரி என சொல்வது முற்றிலும் பொய்யானது என ராகுல் சாடியுள்ளார். 

ர‌ஃபேல் போர் விமான ஒப்பந்த முறைகேடு உள்ளிட்ட பல்வேறு விவகாரங்களில் மோடி மவுனம் காப்பது ஏன் என்றும் ராகுல் காந்தி கேள்வி எழுப்பியுள்ளார். மேலும், பாஜகவின் அடித்தளமே பொய்களால் ஆனது என்றும் விமர்சித்துள்ளார்.