காந்தி, விவேகானந்தருக்கு பிறகு ஒரு சிறந்த தலைவர் அப்துல்கலாம்: புற்றுநோய் நிபுணர் சாந்தா

Sakthi Saravanan

15,Oct 2017 02:23 PM

Cancer-specialist-Shanta-about-abdulkalam

மகாத்மா காந்தி, விவேகானந்தர் ஆகியோருக்கு பிறகு ஒரு சிறந்த தலைவர் என்றால் அது அப்துல்கலாம் தான் என்று அடையாறு புற்றுநோய் மருத்துவமனையின் தலைவர் சாந்தா தெரிவித்துள்ளார்.

மறைந்த முன்னாள் குடியரசுத்தலைவர் அப்துல்கலாம் பிறந்த தினத்தையொட்டி, சென்னை ராமாபுரத்தில் மரக்கன்றுகள் நடும் விழா நடைபெற்றது. நடிகர் விவேக் சார்பில் நடைபெற்ற இந்த விழாவில், சென்னை அடையாறு புற்றுநோய் மருத்துவமனையின் தலைவர் சாந்தா பங்கெற்று, மரக்கன்றை நட்டு விழாவை தொடங்கி வைத்தார். பின்னர் செய்தியாளர்களிடம் பேசிய அவர், “அப்துல்கலாம் கல்விக்கும், மாணவர்களுக்கும் முக்கியத்துவத்துவம் அளித்தவர். அவரை போன்ற தலைவர்களை இனிமேல் பெற வாய்ப்பில்லை. மகாத்மா காந்தி, விவேகானந்தர் ஆகியோருக்கு பிறகு ஒரு சிறந்த தலைவர் என்றால் அது அப்துல்கலாம் தான்” என்று கூறினார்.