Published : 12,Jul 2022 10:26 AM

காதலிக்க மறுத்த பெண்ணை கத்தியால் குத்திய இளைஞர் கைது

Coimbatore-Youth-arrested-for-stabbing-woman-who-refused-to-love-him

காதலை ஏற்க மறுத்த பெண்ணை பணி செய்யும் இடத்துக்கே சென்று கத்தியால் குத்திய இளைஞரை கோவை காவல்துறையினர் கைது செய்துள்ளனர்

கோவை குனியமுத்தூர் பகுதியைச் சேர்ந்த 21 வயது இளம் பெண் ஒருவர் லட்சுமி மில்ஸ் பகுதியில் உள்ள தனியார் நிறுவனத்தில் வேலை செய்து வருகிறார். இந்நிலையில் அந்த பெண்ணுக்கு சேலம் மாவட்டம் நெத்திமேடு பகுதியைச் சேர்ந்த சண்முகலிங்கம் என்பவரின் மகன் தினேஷ் (26) என்பவருடன் கடந்த 2 ஆண்டுகளுக்கு முன் இன்ஸ்டாகிராம் மூலம் பழக்கம் ஏற்பட்டதாக தெரிகிறது.

இதையடுத்து இருவரும் நண்பர்களாக பழகி வந்த நிலையில், தினேஷ் கடந்த சில நாட்களுக்கு முன்பு கோவை வந்து அந்த பெண்ணை சந்தித்து பேசியதோடு தனது காதலையும் கூறியுள்ளார். ஆனால், அந்த பெண் காதலிக்க மறுத்துள்ளார். ஆனால், தொடர்ந்து தன்னை காதலிக்க வேண்டும் என தினேஷ் வற்புறுத்தியதால் அவரது எண்ணை அந்த பெண் பிளாக் செய்துள்ளார்.

image

இதனால் ஆத்திரமடைந்த தினேஷ், அந்த பெண் பணியாற்றும் நிறுவனத்திற்கு வந்து தனது காதலை ஏற்றுக்கொள்ளுமாறு மிரட்டியுள்ளார். ஆனால், தொடர்ந்து அந்த பெண் மறுத்ததால் தினேஷ் தான் மறைத்து வைத்திருந்த கத்தியால் பெண்ணின் முகம், தோள்பட்டை, தலை பகுதியில் வெட்டியுள்ளார். இதையடுத்து அங்கு பணியில் இருந்தவர்கள் தினேஷை மடக்கி பிடித்து ரேஸ்கோர்ஸ் போலீசில் ஒப்படைத்தனர்.

இதையடுத்து தினேஷை கைது செய்த போலீசார், கொலை முயற்சி உள்ளிட்ட பிரிவுகளின் கீழ் வழக்குப் பதிவு செய்து அவரை நீதிமன்றத்தில் ஆஜர்படுத்தி சிறையில் அடைத்தனர். காதலை ஏற்க மறுத்த பெண்ணை சக ஊழியர்கள் முன்னால் இளைஞர் கத்தியால் குத்திய சம்பவம் அங்கு பரப்பரப்பை ஏற்படுத்தியுள்ளது.

சற்று முன்



எடிட்டர் சாய்ஸ்