மதுரை: புதிய ஆதீனத்திடம் நகைகள், ஆவணங்கள், ரொக்கப்பணம் ஒப்படைப்பு

மதுரை ஆதீன மடத்தின் 293-வது ஆதீனமாக பொறுப்பேற்றுக்கொண்ட ஹரிஹரரிடம், ரகசிய அறையில் இருந்த நகைகள், சொத்து ஆவணங்கள் மற்றும் ரொக்கப்பணம் ஒப்படைக்கப்பட்டது.

ஆதீனம் அருணகிரிநாதர் உடல் நலக்குறைவு காரணமாக கடந்த 12-ம் தேதி உயிரிழந்த நிலையில், ஸ்ரீலஸ்ரீ ஹரிஹர ஞானசம்பந்த தேசிக பரமாசாரிய சுவாமிகளுக்கு தருமபுரம் ஆதீனம் தீட்சை வழங்கும் நிகழ்வு நடைபெற்றது. அதனைத்தொடர்ந்து, மதுரை ஆதீன மடத்தின் ரகசிய அறையில் இருந்த அசையும் அசையா சொத்துகளின் பத்திரங்கள், ரொக்கப் பணம், தங்க, வைர ஆபரணங்கள் உள்ளிட்ட அனைத்தும் தருமபுரம் ஆதீனத்தின் முன்னிலையில் எடுத்துப்பார்க்கப்பட்டது. 

சரியாக இருப்பதாக கணக்கிட்ட பின்னர், 293 வது ஆதீனமாக பொறுப்பேற்றுள்ள ஸ்ரீலஸ்ரீ ஹரிஹர ஞானசம்பந்த தேசிக பரமாசாரிய சுவாமிகளிடம் ஒப்படைக்கப்பட்டது. இந்நிகழ்வில், மதுரை ஆதீனத்தின் சட்ட ஆலோசகர்கள், மேலாளர் உள்ளிட்ட முக்கிய நிர்வாகிகள் பங்கேற்றனர்.