[X] Close

கொல்கத்தா Vs பஞ்சாப்: வெல்லப்போவது யார்?

விளையாட்டு,ஐபிஎல் திருவிழா

KKR-facing-PBKS-in-today-IPL-match

ஐபிஎல் போட்டியில் இன்று நடைபெறும் 21 ஆவது லீக் ஆட்டத்தில் கொல்கத்தா நைட் ரைடா்ஸ் - பஞ்சாப் கிங்ஸ் அணிகள் மோதுகின்றன. இரு அணிகளும் இதுவரை 5 ஆட்டங்களில் விளையாடியுள்ள நிலையில், கொல்கத்தா 1 வெற்றியும், பஞ்சாப் 2 வெற்றியும் பெற்றுள்ளன.


Advertisement

கொல்கத்தாவைப் பொறுத்தவரை முதல் ஆட்டத்தில் மட்டும் வென்ற நிலையில், அடுத்த 4 ஆட்டங்களிலும் தொடா்ந்து தோல்வியை சந்தித்துள்ளது. முற்றிலுமாக சரிவைச் சந்தித்துள்ள அந்த அணியின் பேட்டிங் வரிசை மீண்டால் மட்டுமே கொல்கத்தாவுக்கு வெற்றிகள் வசமாகும். நிதீஷ் ராணா, தினேஷ் கார்த்திக், சுப்மன் கில் ஆகியோர் இன்னும் சிறப்பாக விளையாட வேண்டும்.

image


Advertisement

கேப்டன் இயான் மோர்கன், ஆண்ட்ரே ரசல் ஆகியோர் இன்னும் சரியான பங்களிப்பை உறுதி செய்ய வேண்டும். பவுலிங்கை பொறுத்தவரை வருண் சக்கரவா்த்தி, பிரசித் கிருஷ்ணாவுடன், பேட் கம்மின்ஸும் சிறப்பாகச் செயல்படுகின்றனர். பஞ்சாபை பொருத்தவரை தொடர் தோல்வியிலிருந்து மீண்டு கடைசி ஆட்டத்தில் வென்றுள்ளது. எனவே இந்த ஆட்டத்திலும் வென்று உத்வேகத்தை தக்க வைக்க அந்த அணி முயற்சிக்கும்.

image

கேப்டன் ராகுல், மயங் அகர்வால் நல்ல பார்மில் இருக்கிறார். கடந்த போட்டியில் கெயில் பொறுப்பு உணர்ந்து சிறப்பாக விளையாடியது, அணிக்கு நம்பிக்கையை சேர்த்துள்ளது. எனினும் நிகோலஸ் பூரன், தீபக் ஹூடா இன்னும் சிறப்பாக விளையாட வேண்டிய கட்டாயத்தில் இருக்கின்றனர். பவுலிங்கில் அனுபவம் வாய்ந்த முகமது ஷமி, ரவி பிஷ்னோய், அா்ஷ்தீப் ஆகியோர் நல்ல முறையில் செயல்படுகின்றனர்.


Advertisement

Advertisement

Advertisement
[X] Close