பிளே ஆஃப் சுற்றை உறுதி செய்யுமா டெல்லி ? இன்று ஹைதராபாத்துடன் மோதல்

Delhi-facing-Hyderabad-today-in-IPL

ஐபிஎல் கிரிக்கெட்டின் 47-ஆவது ஆட்டத்தில் டெல்லி அணி ஹைதராபாதை எதிர்கொள்கிறது. இந்தப் போட்டியில் டெல்லி வெற்றிப்பெற்றால் டெல்லி அணி தனது பிளே ஆஃப் வாய்ப்பை உறுதி செய்யும்.


Advertisement

இதுவரை ஆடிய 11 ஆட்டங்களில் டெல்லி 7 வெற்றிகளையும், ஹைதராபாத் 4 வெற்றிகளையும் பதிவு செய்துள்ளன. இரு அணிகளுமே கடைசி ஆட்டத்தில் தோல்வியைச் சந்தித்து வந்துள்ளன. இந்தத் தொடரில் பிரமாதமான ஆட்டத்தை வெளிப்படுத்தி வந்த டெல்லி அணி கொல்கத்தா, பஞ்சாபுக்கு எதிராக கடைசி 2 ஆட்டங்களில் தோல்வியடைந்தது பின்னடைவாக பார்க்கப்படுகிறது.

image


Advertisement

இந்த ஆட்டத்தில் வென்று பிளே-ஆஃப் வாய்ப்பை உறுதிசெய்யும் முனைப்புடன் டெல்லி களம் காணும். டெல்லியின் பேட்டிங் மற்றும் பவுலிங் இரண்டுமே சிறப்பாக இருக்கிறது. பேட்டிங்கில் ஷிகர் தவன் தவிர இதர வீரர்கள் மட்டும் சற்று நிலையாக ஆட வேண்டியுள்ளது. பவுலிங்கில் ரபாடா மற்றும் நார்ட்ஜே எதிரணி பேட்ஸ்மேன்களை திணறடித்தாலும், ரவிச்சந்திரன் அஸ்வின் உள்ளிட்ட சில வீரர்கள் தங்களது முழு திறமையை வெளிப்படுத்த வேண்டிய கட்டாயத்தில் இருக்கின்றனர்.

ஹைதராபாத்தைப் பொருத்தவரை பிளே-ஆஃப் தகுதி பெற நூலிழை வாய்ப்பு இருக்கிறது. இந்த ஆட்டத்திலும், இனி வரும் ஆட்டங்களிலும் அந்த அணி வென்றாக வேண்டும் என்பதுடன், இதர அணிகள் மோதும் ஆட்டங்களின் முடிவுகளும் அந்த அணிக்குச் சாதகமாக வேண்டும். ஹைதராபாத் பெரிதும் பேட்டிங்கையே நம்பியுள்ளது. அதிலும் பேர்ஸ்டோ, வார்னர், மணீஷ் உள்ளிட்டோரே அணியின் ஸ்கோரில் அதிகம் பங்களிப்பு செய்கின்றனர். விஜய் சங்கர் சிறப்பாக ஆடினாலும், அவரால் நிலையான ஆட்டத்தை வெளிப்படுத்த இயலவில்லை.

image


Advertisement

பவுலிங்கில் ஜேசன் ஹோல்டர், ரஷீத் கான், நடராஜன் ஆகியோரை பெரிதும் நம்பியிருக்கிறது. ஐபிஎல் தொடரில் இரு அணிகளும் இதுவரை 16 ஆட்டங்களில் விளையாடியுள்ள நிலையில், ஹைதராபாத் 10, டெல்லி 6 ஆட்டங்களில் வென்றுள்ளன.

Advertisement:

Advertisement

Advertisement

Advertisement