ஒடிசா: தாயை இரும்புக் கம்பியால் அடித்துக் கொன்றதாக 2 சிறுவர்கள் கைது

ஒடிசா மாநிலம் புவனேஸ்வரில் 40 வயதுடைய தாயை, இரும்புக் கம்பியால் அடித்துக் கொன்றதாக இரண்டு சிறுவர்கள் கைது செய்யப்பட்டுள்ளனர்.

ஒடிசா மாநிலம் புவனேஸ்வரில் 40 வயதுடைய தாயை அடித்துக் கொன்றதாக இரண்டு சிறுவர்கள் கைது செய்யப்பட்டுள்ளதாக புவனேஸ்வர் காவல் துணை ஆணையர் (டிசிபி) உமாஷங்கர் தாஸ் நேற்று தெரிவித்தார். "நேற்றிரவு தாய் மற்றும் சிறுவர்களான இருமகன்கள் ஆகிய மூவரும் கடும் வாக்குவாதத்தில் ஈடுபட்டனர், இதனால் சிறுவர்கள் இருவரும் ஆத்திரமடைந்தனர், பின்னர் இருவரும் மிகவும் கோபத்துடன் தாயை ஈவிரக்கமின்றி இரும்புக் கம்பியால் தாக்கியதாகக் கூறப்படுகிறது. பலத்த காயமடைந்த அந்த பெண் இரத்த வெள்ளத்தில் சடலமாக மிதந்தார்" என்று கூறினார்.

இந்த கொடூர சம்பவம் தொடர்பாக குற்றவாளிகளான சிறுவர்கள் இருவரும் கைது செய்யப்பட்டதாகவும், இது தொடர்பான விரிவான விசாரணை நடந்துவருவதாகவும் காவல்துறை வட்டாரங்கள் தெரிவிக்கின்றன.