பழைய 500, 1000 ரூபாய் நோட்டுகளை மண்ணில் புதைத்து வைத்திருந்த மாற்றுத்திறனாளி பெண்..!

சீர்காழி அருகே மாற்றுத்திறனாளி பெண்மணி ஒருவர் தனது மகளின் திருமணத்திற்காக பழைய 500, 1000 ரூபாய் நோட்டுகளை மண்ணில் புதைத்து வைத்திருந்தது தெரியவந்துள்ளது.

மயிலாடுதுறை மாவட்டம் சீர்காழி அருகே பட்டியமேடு கிராமத்தை சேர்ந்தவர் உஷா(52). வாய் பேச முடியாத காதும் கேட்காத மாற்றுத்திறனாளியான இவர், மகள் திருமணத்திற்காக பல ஆண்டுகளாக பணத்தை சேமித்துள்ளார். இதில் பழைய 1000, 500 நோட்டுகளாக 35,500 சேமித்து வீட்டிலேயே மண்ணில் புதைத்து விட்டார். தற்போது வீடு சீரமைக்கும் பணியின் போது வேலையாட்கள் பணத்தை எடுத்து கொடுத்த பின்னரே குடும்பத்தினருக்கு தெரிய வந்துள்ளது. உஷா மாற்றுதிறனாளி என்பதால் பணம் தடை செய்யபட்ட நிகழ்வு குறித்து அறியாமலே இருந்துவிட்டதாக தெரிகிறது.

நியூசிலாந்து: தனிமை வார்டை மதிக்காமல் ஊர் சுற்றிய நபர் : கொரோனா உறுதியானதால் அதிர்ச்சி..!

எனவே அறியாமையாலும் மாற்றுதிறனாளியாக இருப்பதாலும் தன்னுடைய 35,500 ரூபாய் பணத்தை மாற்றித் தர அரசு உதவ வேண்டும் என கண்ணீர் மல்க கோரிக்கை விடுத்துள்ளார்.