எஸ்பிஐ வாடிக்கையாளர்களா நீங்கள்..? ஏடிஎம்மில் பணம் எடுக்க புதிய முறை..!

ஏடிஎம்களில் இரவு நேரங்களில் ஏற்படும் மோசடிகளைத் தடுக்க SBI வங்கி புதிய முறையை அமல்படுத்த உள்ளது

பாரத ஸ்டேட் வங்கி ஏடிஎம்களில் இரவு நேரங்களில், அதாவது இரவு 8 மணி முதல் காலை 8 மணி வரை 10 ஆயிரம் ரூபாய்க்கும் மேல் பணம் எடுக்கும் வாடிக்கையாளர்களுக்கு OTP எனப்படும் ஒருமுறை பயன்படுத்தும் கடவுச்சொல்லை அனுப்ப பாரத ஸ்டேட் வங்கி திட்டமிட்டுள்ளது.

இதன்படி, எஸ்பிஐ ஏடிஎம்களில் பணம் எடுக்க விரும்பும் SBI வாடிக்கையாளர்களின் பதிவு செய்யப்பட்டுள்ள மொபைல் எண்ணிற்கு OTP அனுப்பப்படும். இந்த கடவு எண்ணைப் பயன்படுத்தி மட்டுமே ஏடிஎம்களில் பணம் எடுக்க முடியும். இந்த முறையானது SBI வங்கி ஏடிஎம்களில் மட்டுமே செயல்படும். SBI அல்லாத வேறு வங்கிக் கிளை ஏடிஎம்களில் செயல்படாது.

வேகமாக நகரும் காந்த வடதுருவம்: திசைகாட்டிகளை மேம்படுத்தக்கோரும் ஆராய்ச்சியாளர்கள்! 

டெபிட் கார்டுகள் மூலம் நடக்கும் மோசடிகளைத் தடுக்க 2020, ஜனவரி 1ஆம் தேதி முதல் வாடிக்கையாளர்களுக்கு ஒருமுறை பயன்படுத்தும் பாஸ்வோர்டை அனுப்ப உள்ளதாக பாரத ஸ்டேட் வங்கி தெரிவித்துள்ளது.

• ரூ.10ஆயிரத்துக்கும் அதிகமாக பணம் எடுக்க OTP கட்டாயம். பதிவுசெய்யப்பட்ட மொபைலுக்கு OTP அனுப்பப்படும்
• இந்த OTP முறை இரவு 8 மணி முதல் காலை 8 மணி வரை மட்டுமே
• 2020, ஜனவரி 1-ஆம் தேதி முதல் அமலுக்கு வருகிறது
• இந்த முறை SBI வாடிக்கையாளர்களுக்கானது; SBI வங்கி ஏடிஎம்களில் மட்டுமே செயல்படும்.
• வேறு வங்கி ஏடிஎம்களில் எஸ்பிஐ வாடிக்கையாளர்கள் வழக்கம்போல OTP இல்லாமல் பணம் எடுக்கலாம்
• டெபிட் கார்டுகள் மூலம் இரவு நேரங்களில் நடக்கும் மோசடிகளைத் தடுக்க இந்த நடவடிக்கை எஸ்பிஐ கூறியுள்ளது.

Introducing the OTP-based cash withdrawal system to help protect you from unauthorized transactions at ATMs. This new safeguard system will be applicable from 1st Jan, 2020 across all SBI ATMs. To know more: https://t.co/nIyw5dsYZq#SBI #ATM #Transactions #SafeWithdrawals #Cash pic.twitter.com/YHoDrl0DTe — State Bank of India (@TheOfficialSBI) December 26, 2019