உயர்ந்தது தங்கத்தின் விலை: ஒரு சவரன் விலை எவ்வளவு ?

சென்னையில் தங்கம் மற்றும் வெள்ளியின் விலை‌ இன்று கணிசமாக உயர்ந்துள்ளது. இன்று காலை நிலவரப்படி, 22 காரட் ஆபரணத் தங்கம் கிராமிற்கு 1‌‌2 ரூபாய் விலை உயர்ந்து 3 ஆயிரத்து 672 ரூபாய்க்கும், ஒரு சவரன் 96 ரூபாய் விலை அதிகரித்து 29 ஆயிரத்து 376 ரூபாய்க்கும் விற்பனை செய்யப்படுகிறது. வெள்ளியின் விலை கிராமிற்கு 50 காசுகள் விலை உயர்ந்து 49 ரூபாய் 80 காசுகளுக்கு விற்பனை செய்யப்படுகிறது.

இந்நிலையில், இந்தியாவில் நடப்பாண்டில் தங்கத்தின் தேவை குறைவாகவே நீடிக்கும் என உலக தங்க கவுன்சில் தெரிவித்துள்ளது. உலகளவில் தங்கம் வாங்குவதில் இந்தியா இரண்டாம் இடத்தில் உள்ளது. இந்நிலையில், தங்கம் விலையில் காணப்படும் ஏற்ற, இறக்கம் மற்றும் பொருளாதார மந்தநிலை காரணமாக அதை வாங்குவதில் தேக்கநிலை தொடரும் என கூறப்படுகிறது. ‌இந்தியாவில் தங்கத்தின் நுகர்வு 7‌50 முதல் 800 டன் அளவிற்கே இருக்கும் என உலக தங்க கவுன்சில் ஏற்கெனவே கணித்திருந்த நிலையில், இந்த ஆண்டில் இதுவரை 761 டன் அளவிற்கு வாங்கப்பட்டுள்ளதாக தெரிவித்துள்ளது.