புதிய ஜியோமி மேக்ஸ் எம்.ஐ. 2 வெளியாகிறது

Web Team

19,May 2017 02:08 PM

india-s-first-5g-video-call-demoed-by-ericsson-qualcomm-at-imc

புதிய ஜியோமி மேக்ஸ் எம்.ஐ. சக்சஸர் ஸ்மார்போன் வரும் மே 25 ஆம் தேதி சீனாவில் வெளியாகிறது. மொபைல் பிரியர்களை எதிர்பார்ப்புக்கு உள்ளாக்கியிருக்கும் ஜியோமி நிறுவனத்தின் எம்.ஐ. 2 போன் முதலில் சீனாவில் விற்பனைக்கு களமிறக்கப்படுகிறது. எம்.ஐ. 2 அடுத்தவாரம் வெளியாவதை ஒட்டி, அதற்காக ஒரு தனித்துவமான இணையதளத்தை ஜியோமி கொண்டுவந்துள்ளது. 6 இன்ச் தொடுதிரை, 5000 எம்.ஏ.ஹெச். பேட்டரியோடு இரண்டு விதங்களில் இந்த போன் வெளியாகிறது. 4 ஜிபி ரேம் 626 ஸ்நாப்டிராகன் புராசஸர் போனின் விலை ரூ. 14,000, 6 ஜிபி ரேம் 660 ஸ்நாப்டிராகன் புராசஸர் போனின் விலை ரூ.15,900. இதில் சோனி ஐ.எம்.எக்ஸ்.378 சென்சார் கொண்ட சோனி 12 மெகா பிக்சல் ரியர் கேமரா பொருத்தப்பட்டுள்ளது. முன்புற கேமரா 5 மெகா பிக்ஸல், ஸ்போர்ட் மெட்டல் உடலமைப்பு, 128 ஜிபி சேமிப்பு வசதி, 3.5 மி.மீ ஆடியோ ஜாக், பிங்கர் பிரிண்ட் ஸ்கேனர் ஆகிய சிறப்பான வசதிகள் உள்ளன.

சீனாவில் வெளியானதில் இருந்து 2 மாதத்தில் 1.5 மில்லியன் யூனிட்கள் தயார் செய்து உலக சந்தையில் விற்பனைக்கு கொண்டுவர ஜியோமி நிறுவனம் திட்டமிட்டுள்ளது.

பலாத்கார வழக்கில் இருந்து தப்பித்தார் அசாஞ்சே...