[X] Close
JUST IN
  • BREAKING-NEWS சிலை கடத்தல் தடுப்பு பிரிவு சிறப்பு அதிகாரி பதவியை நீட்டிக்கக்கோரி பொன்.மாணிக்கவேல் உயர்நீதிமன்றத்தில் மனு
  • BREAKING-NEWS சென்னை ஐஐடி மாணவி பாத்திமா தற்கொலை வழக்கை சிபிஐ விசாரிக்கக்கோரி சென்னை உயர்நீதிமன்றத்தில் மனு
  • BREAKING-NEWS எங்கள் குடும்பத்தினருக்கான எஸ்பிஜி பாதுகாப்பை நீக்கியதும் அரசியலில் ஒரு அங்கம் தான் - பிரியங்கா காந்தி
  • BREAKING-NEWS மக்கள் அதிமுக பக்கம் இருப்பதால் ரஜினி கூறும் அதிசயம், அற்புதம் எங்களுக்கு சாதகமாகவே அமையும் - அமைச்சர் ஜெயக்குமார்
  • BREAKING-NEWS கூடங்குளம் போராட்டக்காரர்கள் மீதான வழக்குகளை அரசு உடனடியாக திரும்ப பெற வேண்டும் - மு.க.ஸ்டாலின்
  • BREAKING-NEWS மறைமுகத் தேர்தல் முறை அதிகார துஷ்பிரயோகத்திற்கும், குதிரை பேரத்திற்கும் வழிவகுக்கும் - திருமாவளவன் எம்.பி.
  • BREAKING-NEWS 2021 ஆம் ஆண்டில் அதிமுக அரசு மலரும் என்பதையே அதிசயம் நிகழும் என்று ரஜினி கூறியிருக்கலாம் - முதல்வர் பழனிசாமி

புத்தர் கோவிலில் இருந்து மீட்கப்பட்ட 86 புலிகள் உயிரிழப்பு

almost-150-tigers-were-rescued-from-a-thai-temple-now-over-half-are-dead

தாய்லாந்து புத்தர் கோவிலில் இருந்து மீட்கப்பட்ட 147 புலிகளில் 86 புலிகள் உயிரிழந்துவிட்டதாக தகவல்கள் வெளியாகியுள்ளன

தாய்லாந்தின் காஞ்சனாபுரி பகுதியில் உள்ள புத்தர் கோவிலில் ஏராளமான புலிகள் வளர்க்கப்பட்டன. புலிகள் கோவில் என்று அழைக்கப்படும் இந்த கோவிலுக்கு ஏராளமான சுற்றுலா பயணிகள் வந்து செல்வது வழக்கம். இதனிடையே கோவிலில் வளர்க்கப்படும் புலிகள் இயற்கைக்கு மாறாக இனப்பெருக்கம் செய்யப்படுவதாகவும், புலிகளின் உடல் பாகங்கள் சட்ட விரோதமாக விற்கப்படுவதாகவும் பெரும் சர்ச்சை எழுந்தது. இதனை அடுத்து கடந்த 2016ம் ஆண்டு தாய்லாந்து போலீசார் புத்தர் கோவிலில் பெரும் சோதனை நடத்தினர். 

அங்கிருந்த 147 புலிகள் மீட்கப்பட்டு உயிரின பூங்காங்களுக்கு கொண்டு செல்லப்பட்டன. இந்நிலையில் புத்தர் கோவிலில் இருந்து மீட்கப்பட்ட 147 புலிகளில் 86 புலிகள் உயிரிழந்துவிட்டதாக தகவல்கள் வெளியாகியுள்ளன. இது குறித்து தெரிவித்துள்ள வனத்துறை புத்தர் கோவிலில் புலிகள் வனச்சூழலில் வளர்க்கப்படவில்லை என்றும், அதனால் வாழ்விடம் மாறியதால் வைரஸ் பாதிப்புக்குள்ளாகி புலிகள் இறந்துவிட்டதாகவும் தெரிவித்துள்ளனர்.

புலிகளின் இறப்புக்கு கடும் கண்டனம் தெரிவித்துள்ள புத்தர் கோவில் நிர்வாகம், கோவிலில் ஆரோக்யமான சூழலில் புலிகளை வளர்த்தோம்.ஆனால் உயிரின பூங்காக்களுக்கு கொண்டு செல்லப்பட்ட புலிகள் பரிதாபமாக உயிரிழந்துள்ளன. புலிகள் குறித்து புரிதல் இல்லாததாலும், அக்கறை இல்லாததாலும் புலிகள் இறந்துள்ளன. இதற்கு வனத்துறையே முழுப்பொறுப்பு என தெரிவித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close