[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

ஈரான் மீது கூடுதல் பொருளாதார தடை விதித்த அமெரிக்கா: சர்வதேச அளவில் பொருளாதார பதற்றம்

trump-announces-major-sanctions-amid-tensions

ஈரான் மீது அமெரிக்கா கடுமையான பொருளாதாரத் தடைகளை விதித்திருப்பதால், சர்வதேச அளவில் பொருளாதார பதற்றம் அதிகரித்துள்ளது.

ஈரான் உடனான சர்வதேச அணுசக்தி ஒப்பந்தத்தில் இருந்து அமெரிக்கா விலகியதில் இருந்தே இரு நாடுகளுக்கும் இடையே மோதல்போக்கு நிலவி வருகிறது. இந்த நிலையில் அமெரிக்காவின் ஆளில்லா விமானத்தை ஈரான் சுட்டு வீழ்த்தியதால் பதற்றம் மேலும் அதிகரித்தது. இதனால் ஆத்திரமடைந்துள்ள அமெரிக்க அதிபர் ட்ரம்ப், ஈரான் மீது கடுமையான பொருளாதார தடைகள் விதிக்கப்படுவதாக தனது ட்விட்டர் பக்கத்தில் தெரிவித்துள்ளார். 

முன்னதாக செய்தியாளர்களுக்கு பேட்டி அளித்த ட்ரம்ப், ஈரான் வளமான ‌‌நாடாக இருக்க விரும்பினால் அதற்கு தடையில்லை, ஆனால், அணு ஆயுத பலத்தை காட்டுவோம் என ஆணவப் போக்கில் செயல்பட்டால் பதிலடி கொடுக்கப்படும் என தெரிவித்தார். தற்போது ஈரான் மீது அமெரிக்கா கூடுதல் பொருளாதார தடைகளை விதித்திருப்பதால், சர்வதேச அளவில் பொருளாதார பதற்றம் அதிகரித்துள்ளது.

இதனால் ஈரானுடன் வர்த்தகத் தொடர்பு வைத்துள்ள நாடுகள் கடும் பாதிப்பை சந்திக்கும். ஏற்கெனவே அமெரிக்கா விடுத்த எச்சரிக்கையால் ஈரானிடம் இருந்து கச்சா எண்ணெய் இறக்குமதி செய்வதை இந்தியா உள்ளிட்ட நாடுகள் நிறுத்தியுள்ளன என்பது குறிப்பிடத்தக்கது.

Advertisement:
Advertisement:
Advertisement:
[X] Close