[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை
  • BREAKING-NEWS தீபாவளி அன்று தமிழகத்தில் பட்டாசு வெடிக்க காலை ஒரு மணி நேரம், மாலை ஒரு மணி நேரம் அரசு அனுமதி
  • BREAKING-NEWS பிசிசிஐ தலைவராக பொறுப்பேற்றுக் கொண்டார் சவுரவ் கங்குலி
  • BREAKING-NEWS ஐஎன்எக்ஸ் மீடியா விவகாரம்: அமலாக்கத்துறை தொடர்ந்த வழக்கில் ஜாமீன் கேட்டு ப.சிதம்பரம் மனு

உயிரோடு புதைக்கப்பட்ட குழந்தையை காப்பாற்றிய நாய்!

hero-dog-in-thailand-saves-new-baby-buried-alive-by-mother

தாய்லாந்தில் உயிரோடு புதைக்கப்பட்ட குழந்தையை, நாய் ஒன்று காப்பாற்றிய சம்பவம் நெகிழ்ச்சியை ஏற்படுத்தியுள்ளது.

தாய்லாந்தில், சும்பாங் என்ற மாவட்டத்தில் உள்ள கிராமத்தை சேர்ந்த 15 வயது இளம் பெண், ஆண் குழந்தை ஒன்றை பெற்றார். இந்தக் குழந்தையை, சில நாட்களுக்கு முன் அங்குள்ள வயல்வெளியில் குழிதோண்டி உயிருடன் புதைத்து விட்டு ஓடிவிட்டார். அப்போது அங்கு நின்ற நாய் ஒன்று இதை பார்த்துவிட்டது. பின் வேகமாக அந்த இடத்துக்குச் சென்ற நாய், மண்ணை காலால் தோண்டியது. பின்னர் அங்கிருந்து வேகமாக குரைத்தது.
நாய் ஏன் அங்கு நின்று குரைக்கிறது என்ற சந்தேகத்தில், நாய்க்கு சொந்தக்காரர் உஷா நிஷைக்கா அங்கு சென்று பார்த்தார். அப்போது குழந்தை ஒன்றின் கால் தெரிந்தது. இதையடுத்து போலீசுக்கும் அக்கம் பக்கத்தினருக்கும் அவர் தகவல் தெரிவித்தார். பின்னர் மண்ணைத் தோண்டி குழந் தையை உயிருடன் மீட்டு மருத்துவமனைக்கு அனுப்பி வைத்தனர்.

இதுபற்றி விசாரணை நடத்திய போலீசார், அந்த பெண்ணை கைது செய்தனர். அவரிடம் விசாரித்தபோது, தனக்கு 15 வயதுதான் என்பதால் வீட்டுக்குத் தெரியாமல் இருக்க, குழந்தையை புதைத்தேன் என்று தெரிவித்தார். தற்போது குழந்தை நலமாக இருப்பதாக போலீசார் தெரிவித் துள்ளனர். 

குழந்தையை உயிருடன் மீட்க உதவிய நாய், அந்த பகுதியில் திடீர் ஹீரோவாகி இருக்கிறது. நாயின் உரிமையாளர் உஷா நிஷைக்கா கூறும் போது, ‘’இந்த நாயின் பெயர், பிங்போங் (Ping Pong ). இதற்கு ஒரு கால் செயல்படாது. ஒரு விபத்தில் அது காயமடைந்து விட்டதால் மூன்று கால்களுடன்தான் நடக்கும். நான் கால்நடைகளை மேய்த்து வருகிறேன். எனக்கு பல விதங்களில் இந்த நாய் உதவி வருகிறது. இப்போது இது ஹீரோவாகி விட்டது’’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close