[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்

கால்களால் விமானம் ஓட்டும் பெண் விமானி: தன்னம்பிக்கையின் மறுபெயர் ஜெஸ்ஸிகா!

jessica-cox-is-inspiring-women-in-aviation-around-the-world

அமெரிக்காவின் தென் மேற்கு பகுதியான அரிசோனாவைச் சேர்ந்த 30 வயது பெண் ஒருவர் விமானம் ஓட்டுகிறார். இதில் என்ன ஆச்சரியம்? என்று கேட்டால், அந்தப் பெண்ணுக்கு இரண்டு கைகளும் இல்லை. தன்னுடைய கால்களால் விமானத்தை ஓட்டி உலக பெண்களுக்கெல்லாம் முன்னுதாரணமாக திகழ்கிறார்.

அரிசோனாவைச் சேர்ந்த விமானி ஜெஸ்ஸிகா கோக்ஸ். மற்ற விமானியைப் போலவே இவரும் விமானம் ஓட்டுகிறார். ஒரே மாறுதல் என்னவென்றால் கைகளுக்கு பதிலாக கால்களை பயன்படுத்துகிறார்.

பிறக்கும் போதே ஜெஸ்ஸிகாவுக்கு இரண்டு கைகளும் இல்லை. அவரைக் கண்ட பெற்றோர்கள் அதிர்ச்சிக்குள்ளாகினர். குறிப்பாக ஜெஸ்ஸிகாவின் தாய் மனமுடைந்தே போய்விட்டார். ஆனாலும் ஜெஸ்ஸிகாவை முழு சுதந்திரத்துடனும், தன்னம்பிக்கையுடனும் வளர்த்துள்ளார். சிறு வயதில் ஒரு விமானத்தின் ஓட்டுநர் இருக்கை அருகே அமர்ந்து செல்லும் வாய்ப்பு ஜெஸ்ஸிகாவுக்கு கிடைத்துள்ளது. அப்போது முதல் விமானத்தின் மீது தீராக்காதல் கொண்டுள்ளார் ஜெஸ்ஸிகா. 

தனது மேற்படிப்புக்கு பிறகு விமானம் ஓட்டும் பயிற்சியில் இறங்கியுள்ளார். அது அவ்வளவு எளிதானதாக இல்லை. சரியாக பயிற்சியாளர், சரியான பயிற்சி விமானம் எல்லாம் கைகூட வேண்டி இருந்தது. கடும் பயிற்சிக்கு பிறகு 2008ம் ஆண்டு லைட் ஸ்போர்ட் விமானத்தை இயக்குவதற்கான சான்றிதழை பெற்றார் ஜெஸ்ஸிகா.

ஜெஸ்ஸிகா விமானியாக மட்டுமில்லை. தன்னம்பிக்கையூட்டும் பேச்சாளராகவும் இருக்கிறார். பல மேடைகளில் தன்னுடைய தன்னம்பிக்கை பேச்சால் பலரையும் ஊக்கப்படுத்தி வருகிறார். கார் ஓட்டுதல், சமையல், கராத்தே என அனைத்து துறைகளிலும் ஜெஸ்ஸிகா ஒரு ரவுண்ட் வருகிறார்.

இது குறித்து கூறிய ஜெஸ்ஸிகா, எனது வாழ்க்கை முற்றிலும் மாறுபட்டது. எனது வாழ்க்கையை நான் என் போக்கில் வாழ விரும்பினேன். எனக்கு பல முன்னுதாரணமான ஆட்கள் இருக்கிறார்கள். வரும் தலைமுறைக்கு நானே முன்னுதாரணமாக இருக்க வேண்டுமென நினைத்தேன் என்று தெரிவித்துள்ளார்.

Advertisement:
Advertisement:
Advertisement:
[X] Close