[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

நவாஸ் ஷெரிப் தண்டனையை இடைநீக்கம் செய்ய கோரி நீதிமன்றத்தில் மனு

nawaz-sharif-s-lawyer-files-plea-for-suspension-of-sentence-seeks-bail-on-health-grounds

உடல்நிலை பாதிப்பு காரணமாக பாகிஸ்தான் முன்னாள் பிரதமர் நவாஸ் ஷெரிப்பின் தண்டனையை இடைநீக்கம் செய்யக் கோரி அந்நாட்டு உயர்நீதிமன்றத்தில் மனுத்தாக்கல் செய்துள்ளார்.

பாகிஸ்தான் பிரதமராக இருந்த, நவாஸ் ஷெரீப், ஊழல் புகார் காரணமாக, பதவி நீக்கம் செய்யப்பட்டார். ஊழல் குற்றச்சாட்டு உறுதி செய்யப்பட்டதால், ஏழு ஆண்டு சிறை தண்டனை விதிக்கப்பட்டு, லாகூரில் உள்ள, கோட் லாக்பாத் சிறையில் அடைக்கப்பட்டுள்ளார். சர்க்கரை நோயால் பாதிக்கப்பட்ட ஷெரீப்புக்கு, இதய நோயும் உள்ளது.

69 வயதாகும் அவருக்கு நெஞ்சு வலிப்பதாக கூறியதையடுத்து உடனடியாக அவர் மருத்துவமனைக்கு அழைத்துச் செல்லப்பட்டார். மருத்துவர்கள் பரிசோதனை செய்த பின்னர், சிறிது நேரத்தில் அவர் டிஸ்சார்ஜ் செய்யப்பட்டார். இதைத்தொடர்ந்து நவாஸ் ஷெரிப் மீண்டும் சிறையில் அடைக்கப்பட்டார். 

பின்னர், மருத்துவர்கள், “ நவாஸ் ஷெரிப் நிலைமை மிகவும் கவலைக்கிடம் இல்லை என்றாலும், அவர் தொடர்ந்து சிகிச்சை பெற வேண்டும். தவறாமல் மருந்துகள் எடுத்துக்கொள்ள வேண்டும். இதயத்தின் முக்கிய வால்வுகளில் பாதிப்பு ஏற்படுள்ளது. அதற்கான சிகிச்சை வழங்கப்பட வேண்டும்’’ என்றனர்.

இந்நிலையில், உடல்நிலை பாதிப்பு காரணமாக பாகிஸ்தான் முன்னாள் பிரதமர் நவாஸ் ஷெரிப்பின் தண்டனையை இடைநீக்கம் செய்யுமாறு அவரது வழக்கறிஞர் அந்நாட்டு உயர்நீதிமன்றத்தில் மனுத்தாக்கல் செய்துள்ளார்.

Advertisement:
Advertisement:
Advertisement:
[X] Close