[X] Close
JUST IN
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS சென்னையில் இன்று நடைபெறுகிறது இந்தியா - மேற்கிந்திய தீவுகள் இடையிலான முதல் ஒரு நாள் போட்டி
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்
  • BREAKING-NEWS உள்ளாட்சித் தேர்தலில் போட்டியிட இதுவரை ஒரு லட்சத்து 65 ஆயிரம் பேர் வேட்பு மனுத் தாக்கல். நாளையுடன் வேட்பு மனுத் தாக்கல் நிறைவடைகிறது
  • BREAKING-NEWS தேசிய நெடுஞ்சாலைகளில் செல்லும் வாகனங்களுக்கு இன்று முதல் கட்டாயமானது FAST TAG நடைமுறை

லண்டன் 24 மாடி தீ விபத்தில் உயிரிழப்புகள் அதிகரிப்பு

london-fire-latest-grenfell-tower-death-toll-rises-to-17-as-theresa-may-orders-public-inquiry

லண்டன் நகரின் மேற்கு பகுதியில் உள்ள அடுக்குமாடிக் குடியிருப்பில் ஏற்பட்ட தீ விபத்தில் உயிரிழந்தவர்களின் எண்ணிக்கை 17 ஆக உயர்ந்துள்ளது. ஏராளமானோர் தீக்காயங்களுடன் மருத்துவமனையில் அனுமதிக்கப்பட்டுள்ளனர். அதில் 18 பேரின் நிலை கவலைக்கிடமாக இருப்பதாக தகவல் வெளியாகியுள்ளது.

லண்டனின் வடக்கு கென்சிங்டனில் அமைந்துள்ள கிரென்ஃபெல் டவர் எனும் 24 மாடிகளை கொண்ட அடுக்குமாடிக்  குடியிருப்பில் நேற்று பயங்கர தீ விபத்து ஏற்பட்டது. இரவு நேரம் என்பதால் மக்கள் அனைவரும் தூங்கிக் கொண்டிருந்தனர். எனவே வேகமாக பற்றி எரிந்த தீ மளமளவென கட்டிடம் முழுக்க பரவியது. அந்த கட்டிடத்தில் உள்ள 120 பிளாட்டுகளிலும் வசித்த மக்கள் அவசரம் அவசரமாக வெளியேறினர். பலர் தீப்பிடித்த பகுதியில் சிக்கிக்கொண்டு வெளியேற முடியாமல் தவித்தனர்.

தீயணைப்பு படை வீரர்கள் மற்றும் போலீசார் மீட்புப்பணியில் தீவிரமாக ஈடுபட்டுள்ளனர். நேற்று இரவு நிலவரப்படி 12 பேர் உயிரிழந்த நிலையில், இன்று மேலும் 5 பேர் பலியானது உறுதி செய்யப்பட்டுள்ளது. இதன்மூலம் தீ விபத்தில் உயிரிழப்பு 17 ஆக அதிகரித்துள்ளது. மேலும் 30க்கும் மேற்பட்டோர் மருத்துவமனைகளில் சேர்க்கப்பட்டுள்ளனர். அவர்களில் 18 பேரின் நிலைமை கவலைக்கிடமாக இருப்பதாக தகவல் வெளியாகியுள்ளது. பலமணி நேர போராட்டத்திற்குப் பிறகு இன்று தீ கட்டுப்படுத்தப்பட்டது. அதேசமயம் தீயில் கருகிய கட்டடத்திற்குள் சிக்கியவர்கள் உயிர் பிழைத்திருப்பதற்கு வாய்ப்பு மிகக்குறைவு என்று காவல்துறையினர் தெரிவிக்கின்றனர். எனவே, உயிரிழப்பு மேலும் அதிகரிக்கும் என அஞ்சப்படுகிறது.

இந்த தீ விபத்தில் இறந்தவர்களின் குடும்பத்தினருக்கு பிரதமர் தெரசா மே இரங்கல் தெரிவித்துள்ளார். அவர்களுக்காக பிரார்த்தனை செய்வதாகவும் கூறியுள்ளார். அடுக்குமாடி குடியிருப்பு முழுவதும் எரிந்ததால் வீடுகளை இழந்து பரிதவித்த மக்கள், தற்காலிக கூடாரங்களில் தங்க வைக்கப்பட்டுள்ளனர். லண்டனைச் சேர்ந்த பிரபல பாடகி அடீல் தன் கணவருடன் சென்று, பாதிக்கப்பட்ட மக்களுக்கு ஆறுதல் கூறினார். பாடகி ரீட்டா ஓராவும் பாதிக்கப்பட்ட மக்களுக்கு ஆறுதல் கூறினார். மேலும், அப்பகுதியில் சமூக ஆர்வலர்களால் நன்கொடைகளாக வழங்கப்பட்ட ஏராளமான பொருட்களை வகைப்படுத்தி விநியோகம் செய்வதற்கும் ரீட்டா உதவி செய்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close