[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

அதிமுக எம்.எல்.ஏவின் மகன் மீது வழக்குப்பதிவு 

police-have-filed-a-case-against-son-of-aiadmk-mla-in-erode

ஈரோட்டில் செய்தியாளர்களை தாக்கியதாக அதிமுக எம்.எல்.ஏ.வின் மகன் உள்பட நான்கு பேர் மீது காவல்துறையினர் வழக்குப்பதிவு செய்துள்ளனர்.

ஈரோட்டில் மடிக்கணினி வழங்குவது குறித்த செய்தி சேகரிக்க சென்ற போது செய்தியாளர்களை தாக்கிய சட்டமன்ற உறுப்பினரின் மகன் உள்பட 4 பேர் மீது போலீசார் வழக்கு பதிவு செய்துள்ளனர். ஈரோடு குமலன்குட்டை அரசு மேல்நிலைபள்ளியில் நேற்று மாணவர்களுக்கு விலையில்லா மடிக்கணினி வழங்கும் நிகழ்சி நடைபெற்றது. இதில் சட்டமன்ற உறுப்பினர்கள் ராமலிங்கம் மற்றும் தென்னரசு ஆகியோர் கலந்து கொண்டனர். அப்போது கடந்த ஆண்டு மடிக்கணினி கிடைக்காத மாணவர்கள் தங்களுக்கு உடனடியாக மடிக்கணினி வழங்க வேண்டும் என கூறி பள்ளியில் வாக்குவாதத்தில் ஈடுபட்டனர். இது குறித்து செய்தி சேகரிக்க சென்ற 2 செய்தியாளர்கள் புகைப்படம் எடுத்த போது அவர்களை தடுத்த சட்டமன்ற உறுப்பினர் கே.வி ராமலிங்கத்தின் மகனும் மாவட்ட அதிமுக மாணவரணி செயலாளருமான ரத்தன்பிரத்வி உள்பட கட்சியினர் சிலர் செய்தியாளர்களை தாக்கினர்.

இதில் காயமடைந்த செய்தியாளர்கள் இருவரும் அரசு மருத்துவமணையில் சிகிச்சை பெற்று திரும்பினர். இச்சம்பவம் குறித்து செய்தியார்கள் காவல்துறையில் புகார் அளித்திருந்த நிலையில் பல்வேறு பத்திரிக்கையாளர்கள் சங்கங்கள் மற்றும் திமுக தலைவர் முக ஸ்டாலின் உள்பட பல்வேறு கட்சி தலைவர்களும் கண்டனம் தெரிவித்தனர். இதனிடையே இச்சம்பவம் குறித்து ஈரோடு வடக்கு காவல்நிலைய போலீசார் தாக்குதலில் ஈடுபட்ட ரத்தன் பிரத்வி உள்பட அதிமுக வினர் 4 பேர்  மீது 2 பிரிவுகளின் கீழ் வழக்கு பதிவு செய்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close