[X] Close
JUST IN
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா
  • BREAKING-NEWS இந்தோனேஷியா ஓபன் பேட்மிண்டன்: வெள்ளிப்பதக்கம் வென்றார் சிந்து
  • BREAKING-NEWS ''அதிமுகவின் உண்மையான தொண்டர்கள் திமுகவில் இணைய வேண்டும்'' - திமுக தலைவர் ஸ்டாலின்

19 ஐபிஎஸ் அதிகாரிகள் இடமாற்றம் - தமிழக அரசு 

transfer-for-19-ips-officers-by-tamilnadu-government

தமிழகம் முழுவதும் 19 ஐபிஎஸ் அதிகாரிகளை இடமாற்றம் செய்து தமிழக அரசு உத்தரவு பிறப்பித்துள்ளது. 

தேர்தல் டிஜிபியாக நியமிக்கப்பட்ட அசுதோஷ் சுக்லா, மண்டபம் அகதிகள் முகாம் டிஜிபி சிறப்பு அதிகாரியாக மாற்றம் செய்யப்பட்டுள்ளார். கும்பகோணம் போக்குவரத்துக்கழக ஊழல் தடுப்பு டிஜிபியாக ஜாங்கிட் நியமனம் செய்யப்பட்டுள்ளார். நேரடி ஐபிஎஸ் அதிகாரிகளுக்கு காவல்துறையில் முக்கிய பொறுப்புகள் வழங்கப்படவில்லை எனக்கூறியவர் ஜாங்கிட். 

சிறப்பு டிஜிபியாக இருந்த விஜயகுமார் ஊழல் தடுப்பு மற்றும் கண்காணிப்பு டிஜிபியாக நியமிக்கப்பட்டுள்ளார். சிபிசிஐடி எஸ்.பி ராஜேஸ்வரி சிலை கடத்தல் தடுப்பு பிரிவு எஸ்பியாக நியமிக்கப்பட்டுள்ளார். மின்சார வாரிய ஊழல் தடுப்பு மற்றும் கண்காணிப்பு பிரிவு டிஜிபியாக தமிழ்ச்செல்வன் நியமனம் செய்யப்பட்டுள்ளார். 

மாநிலக் குற்ற ஆவணக் காப்பக டிஜிபியாக கரண் சின்ஹா, தலைமையக ஏடிஜிபியாக சீமா அகர்வால் நியமனம் செய்யப்பட்டுள்ளனர். பெண்கள் மற்றும் குழந்தைகளுக்கு எதிரான குற்றங்களை விசாரிக்கும் பிரிவின் கூடுதல் டிஜிபியாக ரவி நியமனம் செய்யப்பட்டுள்ளார். 

காவல்துறை குற்றப்பிரிவு ஏடிஜிபியாக ஷகில் அக்தர், சிறைத்துறை கூடுதல் டிஜிபியாக ஆபாஷ்குமார் நியமனம் செய்யப்பட்டுள்ளனர். காத்திருப்போர் பட்டியலில் இருந்த செந்தாமரைக்கண்ணன் தலைமையக ஐஜியாக நியமனம் செய்யப்பட்டுள்ளார். போலி ஆவணம் தாக்கல் செய்த விவகாரத்தில் காத்திருப்போர் பட்டியலில் செந்தாரமைக்கண்ணன் இருந்தார். 

சீருடை பணியாளர் தேர்வாணைய ஏடிஜிபியாக சந்தீப் ராய் ரத்தோர், ஆயுதப்படை பிரிவு ஏடிஜிபியாக சங்கர் ஜூவால், தொழில் நுட்ப பிரிவு ஏடிஜிபியாக அசோக்குமார் தாஸ் ஆகியோர் நியமனம் செய்யப்பட்டுள்ளனர். தமிழக சட்டம் ஒழுங்கு கூடுதல் டிஜிபியாக ஜெயந்த் முரளி, சாலை பாதுகாப்பு பிரிவு ஐஜியாக பிரமோத் குமார், பொருளாதார குற்றப்பிரிவு ஐஜியாக முருகன் ஆகியோர் நியமனம் செய்யப்பட்டுள்ளனர். 

Advertisement:
இது தொடர்பான செய்திகள் :
Advertisement:
Advertisement:
[X] Close