[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

பகுதி பெயரால் பாதிக்கப்படும் மக்கள்! 20 ஆண்டுகளாக போராட்டம்

people-affected-by-street-name-the-struggle-for-20-years

தங்கள் பகுதிக்கு சூட்டப்பட்டுள்ள பெயரால் தினம், தினம் மன வேதனை ‌அடைந்துவரும் வேலூர் பகுதி மக்கள், அந்தப் பெயரை மாற்ற வேண்டும் எ‌ன கடந்த 20 ஆண்டுகளாக போராடி வருகின்றனர்.

பெ‌யர் என்ப‌து வெறும் பெயர்‌ மட்டுமல்ல‌. ‌அது வாழ்வியலின் அடையாளமாகவே கருதப்படுகிறது. அப்படி தங்கள் மீதான அடையாளத்தை போக்க வேண்டும் என போராடி வருகின்றனர் வேலூர் மாநகராட்சிக்குட்பட்ட 41ஆவது வார்டில் வசித்து வரும் மக்கள்.

இப்பகுதியில் ஆங்கி‌லேயர் காலத்தில் வைக்கப்பட்ட ஸ்கேவன்ஜர் காலனி, தோட்டி லைன்‌ என்ற‌ பெயர்கள் இன்றும் அரசுப்பதிவேட்டில் மாறாமல் உள்ளன. பெயரை மாற்ற நீ‌திமன்றம் உத்தரவிட்டும் கூட அ‌திகாரிகள் ‌நடவடிக்கை எ‌டுக்கவில்லை என கு‌ற்ற‌‌ம் சாட்டுகிறார்‌ வழக்கு தொடர்ந்த கிருஷ்‌ணமூர்த்தி.

மக்கள் அனைவரும் ஒன்று சே‌ர்ந்து தங்கள் பகுதிக்கு டாக்டர் பி.ஆர்.அம்பேத்கர் நகர் என்ற பெயர் சூட்டிக்கொண்டனர். ஆனால் அரசு ஆவணங்களில் பெயர்கள் குறிப்பிடப்பட்டுள்ளதால் பல்வேறு இன்னல்களை சந்தித்து உளவியல் ‌ரீதியாக பாதிக்கப்படுவதாக கூறுகி‌ன்றன‌ர். படித்து பட்டம் ‌‌பெ‌ற்று வெளியூர் சென்றாலும் கூட பெயரின்‌ அடையாளம் பின் தொடர்கி‌றது என அப்பகுதியினர் புகார் தெரிவிக்கின்றனர்.

பெயர் மாற்றம் த‌‌ங்கள் வாழ்க்கையையும் மாற்றும் எ‌ன நம்பிக்கை தெரிவிக்கும் அப்பகுதி மக்கள்‌, அ‌‌ரசு நீதிமன்ற உத்தரவை நடைமுறைப்படுத்த‌ வேண்டும் என ‌‌கோரிக்கை விடுக்கின்‌ற‌னர். இதுகுறித்து விளக்கம் கேட்க வேலூர் மாநகராட்சி ஆணையாளர் சிவசுப்பிரமணியத்தை இரண்டு முறை நேரில் சந்திக்க புதிய தலைமுறை முயன்ற போது அவர் அலுவலகத்தில் இல்லை. மேலும், தொலைபேசி மூலம் 3 முறை தொடர்பு கொண்ட போது அழைப்பு துண்டிக்கப்பட்டது. இப்பிரச்னை குறித்து மாநகராட்சி விளக்கம் ‌அளிக்கும் பட்‌சத்தில் அதனை ஒளிபரப்ப புதிய தலைமுறை தயாராக உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close