பிரதமர் மோடி, அமித்ஷா, யோகி ஆதித்யநாத் தமிழகம் வருகை - தமிழிசை

பிரதமர் மோடி வருகிற 10 ஆம் தேதி தமிழகம் வருவதையொட்டி திருப்பூரில் பாரதிய ஜனதா கட்சி சார்பில் ஏற்பாடுகள் தீவிரமடைந்துள்ளன.

பிரதமர் மோடி திருப்பூர் வருவதையொட்டி நடைபெறும் முன்னேற்பாடுகள் குறித்து பாஜக சார்பில் நடைபெறவுள்ள ஆலோசனைக் கூட்டத்தில் பாஜக பொதுச்செயலாளர் முரளிதர ராவ், பாஜக மாநில தலைவர் தமிழிசை செளந்தரராஜன் ஆகியோர் பங்கேற்கவுள்ளனர். இதுகுறித்து‌ கோவை விமான நிலையத்தில் பேசிய தமிழிசை செளந்தரராஜன், நாடாளுமன்றத் தேர்தலை முன்னிட்டு தமிழகத்தில்‌ பிரமாண்ட கூட்டங்கள் நடைபெறவுள்ளதா‌கத் தெரிவித்தார். 

வருகிற 10 ஆம் தேதி பிரதமர் மோடி திருப்பூர் வரவுள்ளார் என்றும், 12ஆம் தேதி உத்தரப் பிரதேச முதலமைச்சர் யோகி ஆதித்யநாத் திருநெல்வேலி வர உள்ளதாகவும், 14ஆம் தேதி அமித் ஷா ஈரோடு வர உள்ளதாகவும், 15‌ஆம் தேதி நிதின் கட்கரி சென்னை வரவுள்ளதாகவும் அவர் தெரிவித்தார். இதற்கான முன்னேற்பாடுகள் தீவிரமாக நடைபெற்றுவதாகும் கூறினார்.