[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

தமிழகத்தில் பழைய நண்பர்களுடனும் கூட்டணி அமைக்க தயார் - பிரதமர் மோடி

ready-to-ally-with-old-friends-in-tamilnadu-pm-modi

தமிழகத்தில் கூட்டணிக்கான கதவுகள் திறந்தே இருக்கின்றன என பிரதமர் மோடி தெரிவித்துள்ளார். குறிப்பாக பழைய நண்பர்களுக்காக கூட்டணிக் கதவுகள் திறந்தே இருப்பதாக அவர் கூறியுள்ளது அரசியலில் முக்கியத்துவம் வாய்ந்ததாக பார்க்கப்படுகிறது.

தர்மபுரி, கிருஷ்ணகிரி, ஈரோடு, கடலூர், அரக்கோணம் உள்ளிட்ட பகுதிகளை சேர்ந்த பாஜக நிர்வாகிகளுடன் பிரதமர் நரேந்திர மோடி காணொலி காட்சி மூலம் உரையாடினார். அப்போது தமிழகத்தில் அதிமுக, ரஜினியுடன் கூட்டணியா..? அல்லது திமுகவுடன் பாரதிய ஜனதா கூட்டணி அமைக்குமா என்ற கேள்வி எழுப்பப்பட்டது.

அதற்கு பதில் அளித்த பிரதமர் மோடி வெற்றிகரமான கூட்டணி அரசியலை 20 ஆண்டுகளுக்கு முன்னரே சாத்தியப்படுத்தியவர் முன்னாள் பிரதமர் வாஜ்பாய் என்றும், அவரது பாதையில் பாஜக செயல்படுமென்றும் கூறினார். தமிழகத்தில் கூட்டணிக்கான கதவுகள் திறந்தே இருக்கின்றன என தெரிவித்த மோடி, பழைய நண்பர்களையும் வரவேற்க பாஜக தயாராக உள்ளது என கூறினார். மேலும் தேர்தல்களில் பாஜக தனிப்பெரும்பான்மை பெற்றாலும் கூட்டணி ஆட்சியாக செயல்படுவதற்கே முன்னுரிமை அளித்து வருவதாகவும் மோடி கூறியுள்ளார்.

மேலும் பேசிய அவர், “கட்சிகளை காட்டிலும் மக்களுடன் கூட்டணி அமைக்கவே விரும்புகிறோம். 20 ஆண்டுகளுக்கு முன் அப்போதைய பிரதமர் வாஜ்பாய் நாட்டில் புதிய கூட்டணி கலாசாரத்தை ஏற்படுத்தினார். மத்திய, மாநில கட்சிகள் இணைந்து மக்கள் நலனுக்காக திறம்பட செயலாற்ற முடியும் என்பதை அவர் நிரூபித்தார்” என கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close