[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

காண்போரை கத்தியால் குத்திக்கொன்ற மனநலம் பாதித்தவர் : ஈரோட்டில் பரபரப்பு

police-arrested-a-psycho-killer-in-erode

ஈரோட்டில் இரண்டு பேரை கத்தியால் குத்தி கொலை செய்த மனநலம் பாதித்தவரை காவல்துறையினர் கைது செய்தனர்.

ஈரோடு மாவட்டம் அந்தியூரை அடுத்த ஆத்தப்பம் பாளையத்தை சேர்ந்த குமார் என்பவரை ஒரு நபர் திடீரென கத்தியால் குத்திவிட்டதாக கூறப்படுகிறது. இதுதொடர்பாக கிடைத்த தகவலை அடுத்து காவல்துறையினர் அங்கு சென்று விசாரணை நடத்தினர். அத்துடன் காயமடைந்த குமாரை மீட்டு மருத்துவமனைக்கு அனுப்பினர். 

இதையடுத்து நடத்தப்பட்ட விசாரணையில் நல்லசாமி என்பவர் தான், குமாரை குத்தினால் என்பது தெரியவந்தது. இதையடுத்து நல்லசாமியை தேடிப்பிடித்த காவல்துறையினர், அவரை கைது செய்தனர். அவரிடம் நடத்தப்பட்ட விசாரணையில், அந்தியூர் புதுப்பாளையம் பகுதியில் உள்ள கொண்ணமரத்தையன் கோவிலில் இருவரை கொலை செய்து விட்டதாக கூறியுள்ளார். சம்பவ இடத்திற்கு சென்று பார்த்த காவலர்கள், அங்கு இரண்டு கொலை செய்யப்பட்டுக் கிடந்ததை கண்டு அதிர்ச்சியடைந்தனர். அவர்களின் உடலைக் கைப்பற்றி பிரேத பரிசோதனைக்கு அனுப்பி வைத்தனர். 

கொலை செய்யப்பட்டவர்கள், அதே கோயிலில் பாதுகாவலராக இருந்த வடிவேல் மற்றும் அங்கு தங்கியிருந்த வியாபாரி கந்தசாமி என்பது தெரியவந்ததுள்ளது. இதைத்தொடர்ந்து மேற்கொள்ளப்பட்ட, முதற்கட்ட விசாரணையில் நல்லசாமி மனநலம் பாதிக்கப்பட்டவர் என்று தகவல் வெளியாகியுள்ளது. இருப்பினும் கொலை செய்ததற்கான காரணம் வேறு ஏதேனும் இருக்குமோ என்ற கோணத்தில் காவல்துறையினர் விசாரித்து வருகின்றனர். காண்போரை கத்தியால் குத்தும் மனநலம் பாதித்தவர் என்ற தகவல் அப்பகுதியில் பரபரப்பை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close