[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

பேருந்து சக்கரத்தில் சிக்கி பள்ளி மாணவன் உயிரிழப்பு

14-year-old-chennai-student-killed-after-falling-off-a-moving-bus

சென்னையில் 14 வயது பள்ளி மாணவன் ஒருவன் பேருந்தில் இருந்து கீழே விழுந்து சக்கரத்தில் சிக்கி உயிரிழந்துள்ள சம்பவம் சோகத்தை ஏற்படுத்தியுள்ளது. 

சென்னை திருவொற்றியூர் அன்னை சிவகாமி நகரை சேர்ந்த பள்ளி மாணவன் கபிலன். இவர் அரசு பள்ளியில் 9 ஆம் வகுப்பு படித்து வந்துள்ளார். இந்நிலையில் நேற்று தனது நண்பன் வீட்டிற்கு படிக்க சென்ற கபிலன் பிராட்வேயிலிருந்து மாதவரம் செல்லும் பேருந்தில் வீட்டிற்கு திரும்பியுள்ளார். 

அப்போது மாலை நேரம் என்பதால் பேருந்தில் பயணிகள் கூட்டம் அதிகமாக இருந்துள்ளது. சீக்கிரம் வீட்டிற்குச் செல்ல வேண்டும் என்ற நோக்கத்தில் பேருந்தில் ஏறிய கபிலன் நெருக்கடியால் படிகட்டிலேயே பயணம் செய்துள்ளார். அப்போது அவர் பின்னால் அணிந்திருந்த பேக் ஒன்று பேருந்து சென்று கொண்டிருக்கும்போது மின்மாற்றி கம்பியில் சிக்கியது. 

இதில் கபிலன் பேருந்தில் இருந்து கீழே தூக்கி வீசப்பட்டார். அப்போது கபிலன் பேருந்தின் பின்புற சக்கரத்தில் சிக்கி படுகாயமடைந்தார். இதையடுத்து பேருந்து உடனே நிறுத்தப்பட்டு அங்கிருந்தவர்கள் அருகில் இருந்து ஸ்டான்லி அரசு மருத்துவமனையில் கபிலனை சேர்த்தனர். ஆனால் அவர் உயிரிழந்து விட்டதாக மருத்துவர்கள் தெரிவித்தனர். 

இதுகுறித்து வண்ணார்பேட்டை போலீசார் வழக்குப் பதிவு செய்து விசாரணை மேற்கொண்டு வருகின்றனர். மேலும் உயிரிழந்த கபிலன் உடலை அதே மருத்துவமனையில் பிரேத பரிசோதனைக்கு அனுப்பி வைத்தனர். இந்த வழக்கு தொடர்பாக பேருந்து ஓட்டுநர் அலட்சியமாக வாகனம் இயக்குதல் சட்டத்தின் கீழ் கைது செய்யப்பட்டுள்ளதாக போலீசார் தெரிவித்துள்ளனர். 

அண்மையில் சென்னை திநகரில் இருபேருந்துகளுக்கு இடையே கடக்க முயன்ற பெண்மணி ஒருவர் உடல் நசுங்கி உயிரிழந்தார் என்பது குறிப்பிடத்தக்கது. 

Advertisement:
Advertisement:
Advertisement:
[X] Close