[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

அரசு அலுவலங்களில் லஞ்ச ஒழிப்புத்துறை அதிரடி : சோதனையின்போதே இறந்த அதிகாரி

vigilance-department-raid-in-government-office-covai-officer-die-during-raid

அரசு அலுவலகங்களில் தீபாவளி வசூல் நடைபெறுவதாக எழுந்த புகாரைத் தொடர்ந்து தமிழகம் முழுவதும் லஞ்ச ஒழிப்புப் காவல்துறையினர் அதிரடி சோதனை நடத்தினர். 

தீபாவளியை முன்னிட்டு அரசு அலுவலங்களில் பரிசுப் பொருட்கள் மற்றும் பணம் கையாடல் அதிக அளவில் நடைபெறுவதாக புகார் எழுந்தது. இதையடுத்து டாஸ்மாக், நகராட்சி, போக்குவரத்து, ஆவின் உள்ளிட்ட அரசு அலுவலகங்களில் லஞ்ச ஒழிப்புத்துறையினர் அதிரடி சோதனை நடத்தினர். தூத்துக்குடி, கிருஷ்ணகிரி, நெல்லை, திருவண்ணாமலை, திருச்சி, புதுக்கோட்டை உள்ளிட்ட பல்வேறு மாவட்டங்களின் வட்டார போக்குவரத்து அலுவலகங்களிலும் அதிகாரிகள் சோதனை நடத்தினர். அப்போது கணக்கில் வராத பணத்தையும், ஆவணங்களையும் பறிமுதல் செய்தனர்.

இதேபோன்று கோவையில் உள்ள மத்திய வட்டாரப் போக்குவரத்து அலுவலகத்தில் லஞ்ச ஒழிப்புத்துறை சோதனை நடத்திய போது, மோட்டார் வாகன ஆய்வாளர் பாபு மாரடைப்பு ஏற்பட்டு உயிரிழந்தார். உயிரிழந்த ஆய்வாளரிடம் இருந்து 83 ஆயிரம் ரூபாய் பறிமுதல் செய்யப்பட்டது. அதேவேளையில் பாபு நெஞ்சு வலிப்பதாக கூறியபோது அதிகாரிகள் நம்பாததால், உடனடியாக சிகிச்சைக்கு அழைத்துச் செல்ல முடியவில்லை என உடன் பணியாற்றும் ஊழியர்கள் புகார் தெரிவித்தனர்.

சென்னையில் மாவட்ட சுற்றுச்சூழல் பொறியியல் அலுவலகம், அம்பத்தூரில் மாசுக்கட்டுப்பாட்டு வாரிய அலுவலகம், ஆவடி நகராட்சி உள்ளிட்ட பகுதிகளிலும் லஞ்ச ஒழிப்புத் துறையினர் சோதனை நடத்தினர். சென்னையில் டாஸ்மாக் மாவட்ட மேலாளர் அலுவலங்களில் நடத்தப்பட்ட சோதனையில் ஒரு லட்சத்து 30 ஆயிரம் ரூபாய் பறிமுதல் செய்யப்பட்டது. இப்படி தமிழகம் முழுவதும் நடைபெற்ற சோதனையில் 44 லட்சத்து 30 ஆயிரம் ரூபாய் பணம் மற்றும் ஆவணங்கள் பறிமுதல் செய்யப்பட்டுள்ளதாக லஞ்ச ஒழிப்புத்துறை தெரிவித்துள்ளது. அதில் அதிகபட்சமாக வேலூர் ஆவின் பொதுமேலாளர் அலுவலகத்தில் நடத்தப்பட்ட சோதனையில் சுமார் 15 லட்சம் ரூபாய் பறிமுதல் செய்யப்பட்டதாக கூறப்பட்டுள்ளது.

வீடியோ

Advertisement:
Advertisement:
Advertisement:
[X] Close