[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

தென்மேற்கு பருவமழை தொடங்கிவிட்டது - காவிரி ஆணையம் எப்போது?

monsoon-started-cauvery-management-scheme-not-yet-came

தென்மேற்கு பருவமழை தொடங்கிவிட்ட நிலையில், காவிரி மேலாண்மை ஆணையம் எப்பொழுது அமைக்கப்படும் என்பது குறித்த கேள்வி எழுந்துள்ளது.

காவிரி நதிநீர் பங்கீடு தொடர்பான வழக்கில், வரைவுத் திட்டத்தை உடனடியாக அரசிதழில் வெளியிடவும், பருவக்காலத்திற்கு முன்பாக செயல்படுத்தவும் உத்தரவிட்டு அனைத்து வழக்குகளையும் உச்சநீதிமன்றம் முடித்து வைத்தது. இதன் மூலம் நடப்பு பருவ காலத்திலேயே காவிரி மேலாண்மை ஆணையம் அமைக்கப்படும் என்ற எதிர்பார்ப்பு நிலவியது. 

இந்த ஆணையத்திடம் சம்பந்தப்பட்ட மாநிலங்கள், தங்கள் அணைகளில் எவ்வளவு நீர் இருப்பு உள்ளது என்பதையும், தங்களின் நீர்த் தேவை எவ்வளவு என்பதையும் மாதாந்திர அறிக்கையாக சமர்ப்பிக்க வேண்டும். அந்த அறிக்கை தாக்கல் செய்யப்பட்டபின் காவிரி நீர் மேலாண்மை ஆணையத்தால் காவிரி நடுவர்மன்றத்தின் பரிந்துரை அடிப்படையில் நீர் திறந்துவிடப்படும்.

இந்நிலையில், தென்மேற்கு பருவமழை தொடங்கிவிட்டதாக சென்னை வானிலை ஆய்வு மையம் தெரிவித்துள்ளது. தமிழகத்தை பொருத்தவரை மேலடுக்கு சுழற்சி நிலவுவதால் பரவலாக இடியுடன் கூடிய கோடை மழை பெய்து வருவதாகவும், அடுத்த 24 மணி நேரத்தில் தென் தமிழகம், வட தமிழக உள் மாவட்டங்களில் இடியுடன் கூடிய கனமழைக்கு வாய்ப்புள்ளதாகவும் தெரிவிக்கப்பட்டுள்ளது. 

தென் மேற்கு பருவமழை தொடங்கிவிட்ட நிலையில், காவிரி மேலாண்மை ஆணையம் தொடர்பான தகவல்கள் இன்னும் வெளியிடவில்லை. விரைவில் ஆணையம் அமைக்கப்படும் என்று விவசாயிகள் எதிர்பார்ப்பில் உள்ளனர்.

Advertisement:
Advertisement:
Advertisement:
[X] Close