[X] Close
JUST IN
  • BREAKING-NEWS டெல்லியில் நாளை மாலை 5 மணிக்கு நடைபெறும் தேசிய ஜனநாயக கட்சி நாடாளுமன்ற குழு கூட்டத்தில் அனைவரும் சேர்ந்து நரேந்திர மோடியை தலைவராக தேர்வு செய்ய உள்ளனர்
  • BREAKING-NEWS தமிழகத்தில் 8 இடங்களில் வெற்றி பெற்றுள்ள காங்கிரஸ் எம்.பி.க்கள் நாளை சென்னையில் திமுக தலைவர் மு.க.ஸ்டாலினை சந்திக்கின்றனர்
  • BREAKING-NEWS நீங்கள் வெற்றிபெற்ற மாநிலங்களை விட தமிழகத்துக்கு அதிக முக்கியத்துவம் கொடுக்கவேண்டும்- மோடிக்கு கமல்ஹாசன் கோரிக்கை
  • BREAKING-NEWS சென்னையில் பெட்ரோல் லிட்டருக்கு ரூ. 74.10 காசுகளாகவும், டீசல் லிட்டருக்கு ரூ. 70.24 காசுகளாகவும் விலை நிர்ணயம்

ஸ்டாலின் வீட்டுக்கு வெடிகுண்டு மிரட்டல்

bomb-threat-to-mk-stalin-house

எதிர்க்கட்சித் தலைவர் மு.க.ஸ்டாலின் வீட்டின் மீது வெடிகுண்டு வீசப்போவதாக மிரட்டல் விடுக்கப்பட்டுள்ளது.

தமிழக எதிர்க்கட்சித் தலைவரும் திமுக செயல் தலைவருமான மு.க.ஸ்டாலின் வீட்டின் மீது வெடிகுண்டு வீசப்போவதாக சென்னை காவல் துறை கட்டுப்பாட்டு அறைக்கு தொலைபேசி அழைப்பு வந்துள்ளது. இதனையடுத்து அந்த அழைப்பு எங்கிருந்து வந்தது என்பது குறித்து காவல்துறையினர் ஆய்வு மேற்கொண்டனர். அதில் அழைப்பு காஞ்சிபுரத்தில் இருந்து வந்தது கண்டுபிடிக்கப்பட்டதாக காவல்துறை தரப்பில் தெரிவிக்கப்பட்டது. இதனையடுத்து வெடிகுண்டு மிரட்டல் விடுத்தவர் யார்..? என்பதை கண்டறிய போலீசார் தீவிர சோதனையில் ஈடுபட்டுள்ளனர்.

முன்னதாக நேற்று புதுச்சேரி முதலமைச்சர் நாராயணசாமி வீட்டில் வெடிகுண்டு வைத்து இருப்பதாகவும், அது சிறிது நேரத்தில் வெடித்து விடும் எனவும் தொலைபேசி மூலம் மர்ம நபர்கள் சிலர் மிரட்டல் விடுத்தனர். இதையடுத்து காவல்துறையினர் அங்கு குவிந்து, வெடிகுண்டு பரிசோதனையாளர்கள் வரவழைக்கப்பட்டனர். பின்னர் நாராயணசாமி வீடு முழுவதும் வெடிகுண்டு சோதனை நடைபெற்றது. சோதனை முடிவில் வெடிகுண்டு எதுவும் இல்லை என்பதும், அந்த மிரட்டல் புரளி என்பதும் தெரியவந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close