[X] Close
JUST IN
  • BREAKING-NEWS இந்தியாவின் 72வது சுதந்திர தினம் - கோலாகல கொண்டாட்டம்
  • BREAKING-NEWS இன்று கூடுகிறது திமுக அவசர செயற்குழு
  • BREAKING-NEWS மெரினாவில் கருணாநிதிக்கு இடம் கொடுத்த தீர்ப்புக்கு எதிராக அரசு மேல்முறையீடு செய்திருந்தால் நானே போராட்டத்தில் இறங்கியிருப்பேன் -ரஜினிகாந்த்
  • BREAKING-NEWS சென்னையில் நடிகர் சங்கம் சார்பில் மறைந்த திமுக தலைவர் கருணாநிதிக்கு நினைவேந்தல் நிகழ்ச்சி
  • BREAKING-NEWS ஆகஸ்ட் 20ம் தேதி அதிமுக செயற்குழு கூட்டம் நடைபெறுகிறது
  • BREAKING-NEWS கேரளாவில் பெய்து வரும் கனமழையால் சபரிமலைக்கு பக்தர்கள் வர வேண்டாம்: தேவசம் போர்டு அறிவிப்பு
  • BREAKING-NEWS சுதந்திர தின விழாவை முன்னிட்டு சென்னை விமான நிலையத்திற்கு 7 அடுக்கு போலீஸ் பாதுகாப்பு

தீவிரம் குறையாத காய்ச்சல்: நேற்று ஒரேநாளில் 13 பேர் பலி

13-dengue-deaths-recorded-in-tamil-nadu-yesterday

தமிழகத்தில் காய்ச்சல்களின் தீவிரம் குறையவில்லை. டெங்கு காய்ச்சலாலும், பிறவகை காய்ச்சல்களாலும் நேற்று ஒரே நாளில் 13 பேர் உயிரிழந்துள்ளனர். மேலும் நூற்றுக்கணக்கானோர் மருத்துவமனைகளில் அனுமதிக்கப்பட்டுள்ளனர்.

கிருஷ்ணகிரி மாவட்டம் ஊத்தங்கரையில் சங்கர் என்ற இளைஞரும், போச்சம்பள்ளியை அடுத்த கே.புதூரைச் சேர்ந்த தர்ஷிகா என்ற 7 வயது சிறுமியும் இன்று உயிரிழந்தனர்.

சேலத்தில் இன்று ஒரேநாளில் 2 பேர் டெங்குவால் உயிரிழந்தனர். பத்து வயது சிறுமி ரக்ஷிதா மற்றும் 11 வயது சிவசக்தியும் டெங்கு காய்ச்சலால் பாதிக்கப்பட்டு உயிரிழந்தனர்.

காஞ்சிபுரம் மாவட்டம் மதுராந்தகம் அருகே உள்ள காந்திநகர் பகுதியில் ஒரு குழந்தை உட்பட இருவர் பலியாகி உள்ளனர். மதுராந்தகம் நகராட்சிக்கு உட்பட்ட 20-வார்டு பகுதியை சேர்ந்த செல்வகுமார் என்பவரின் 3 வயது மகன் விஷ்ணு மற்றும் அதேபகுதியைச் சேர்ந்த 55 வயதான அம்ரோஸ் ஆகியோர் காய்ச்சலால் உயிரிழந்தனர்.

நெல்லை மாவட்டம் சங்கரன்கோவில் அருகே உள்ள வேலாயுதபுரத்தை சேர்த்த ராமசாமி என்பவரின் மகள் ஆர்த்தி சிகிச்சை பலனின்றி உயிரிழந்தார்.

நாகை வேதநாயகம் செட்டித் தெருவைச் சேர்ந்த செல்வகுமார் என்பவரது 13 வயது மகன் கிங்ஸ்லி பிரவின் குமார் கடந்த 3 நாட்களாக காய்ச்சலால் அவதிப்பட்டு சிகிச்சை எடுத்து வந்த நிலையில் சிறுவன் உயிரிழந்தான்.

தாராபுரத்தில் அருந்ததி என்ற பெண்ணும், விழுப்புரம் மாவட்டம் திருக்கோவிலூர் அருகே சந்தைப்பேட்டையில் சாந்தி என்ற மூதாட்டியும் டெங்கு காய்ச்சலால் உயிரிழந்தார்.

திருப்பூரில் சாமளாபுரம் பகுதியில்‌ டெங்கு காய்ச்சல் காரணமாக கவிதா என்ற பெண்ணும், வைரஸ் காய்ச்சல் காரணமாக உயிரிழந்தார். நாகையில் டெங்கு காய்ச்சல் பாதிப்பால் சிகிச்சை பெற்று வந்த 11-ம் வகுப்பு மாணவர் பிரவீன்குமார் ஆகியோரும் இன்று ஒரேநாளில் உயிரிழந்தனர்.

நாமக்க‌ல் மாவட்டம் திருச்செங்கோட்டை அடுத்த கருமாகவுண்டம்பாளையம் பகுதியில் வசித்து வரும் தனசேகர் என்பவரின் மனைவி ரமா டெங்கு அறிகுறியுடன் கோவையில் உள்ள தனியார் மருத்துவமனையில் சிகிச்சை பெற்ற நிலையில் அவர் இன்று காலை உயிரிழந்தார்.

காஞ்சிபுரம் மாவட்டம் செங்கல்பட்டில் காய்ச்சலால் 144 பேர் பாதிக்கப்பட்டுள்ளனர். இங்கு பத்து பேருக்கு டெங்கு காய்ச்சல் உறுதிப்படுத்தப்பட்டுள்ளது.

சென்னை ராஜீவ் காந்தி அரசு பொது மருத்துவமனையில் 30 பேர் டெங்கு காய்ச்சலுடன் சிகிச்சை பெற்று வருகிறார்கள். 186 பேர் காய்ச்சல்களால் அனுமதிக்கப்பட்டுள்ளனர். ஸ்டான்லி மருத்துவமனையில் 24 பேர் டெங்கு காய்ச்சலால் தனி வார்டில் வைத்து சிகிச்சை பெற்று வருகிறார்கள். புறநோயாளிகளாக 220 பேரும், உள்நோயாளிகளாக 180 பேரும் காய்ச்சல்களால் சிகிச்சை பெற்று வருகிறார்கள்.

வீடியோ

Advertisement:
Advertisement:
Advertisement:
[X] Close