[X] Close
JUST IN
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை

நாளை மே தினம்: தலைவர்கள் வாழ்த்து

may-1st-leaders-wishes

உழைப்பாளர் தினமான மே தினத்தையொட்டி ஆளுநர், முதலமைச்சர் மற்றும் அரசியல் கட்சித் தலைவர்கள் மக்களுக்கு வாழ்த்து தெரிவித்துள்ளனர்.

தமிழக பொறுப்பு ஆளுநர் வித்யாசாகர் ராவ் அளித்துள்ள வாழ்த்துச் செய்தியில், தொழிலாளர்களுக்கும் அவர்களின் குடும்பத்திற்கும் பாதுகாப்பான, ஆரோக்கியமான சூழலை அளித்து அவர்கள் வாழ்வில் உயர வழி வகை செய்வது என அனைவரும் உறுதி ஏற்போம் என கூறியுள்ளார்.

தேசத்தின் வளர்ச்சிக்காக உழைக்கும் தொழிலாளர்களின் வாழ்வில் நலமும் வளமும் பெருகட்டும் என்றும், அனைவரும் நம்பிக்கையோடு உழைத்தால் நாடும் வீடும் வளம் பெறும் என்றும் முதலமைச்சர் பழனிசாமி தனது வாழ்த்துச் செய்தியில் கூறியுள்ளார்.

தமிழக காங்கிரஸ் கமிட்டி தலைவர் திருவாவுக்கரசர், நாட்டின் முன்னேற்றத்திற்காகவும், வளர்ச்சிக்காகவும் உழைப்பை வழங்கி தங்களை அர்ப்பணித்து கொண்ட தொழிலாளர்களுக்கு மே தின வாழ்த்து கூறியுள்ளார்.

தமிழகத்தில் அல்லல்படும் ஆலை தொழிலாளர்களும் விவசாய தொழிலாளர்களும் இடர்களில் இருந்து விடுபட்டு மகிழ்வுடன் வாழும் நிலை மலரட்டும் என மதிமுக பொதுச் செயலாளர் வைகோ வாழ்த்தியுள்ளார்.

தொழிலாளர் நலன் காப்போம், அவர்கள் வாழ்வில் உயர வழிகாண்போம் என தொழிலாளர் தினத்தில் சபதம் ஏற்போம் என தமிழ் மாநில காங்கிரஸ் தலைவர் ஜி. கே. வாசன் கூறியுள்ளார். தமிழக வாழ்வுரிமை கட்சி தலைவர் வேல்முருகனும் மே தின வாழ்த்து தெரிவித்துள்ளார்.

முன்னாள் முதலமைச்சர் ஒ.பன்னீர்செல்வம் வெளியிட்டுள்ள அறிக்கையில், ’தொழிலாளர்கள் அனைத்து வளங்களையும், நலங்களையும் பெற்று வாழ வேண்டும்’ என்று கூறியுள்ளார்.

உலகமயமாக்கல், மதவாத, சாதியவாத சக்திகளுக்கு‌ எதிராக, உழைக்கும் மக்கள் போராட முன்வர வேண்டும் என இந்திய கம்யூனிஸ்ட் மாநிலச் செயலாளர் முத்தரசன் கேட்டுக் கொண்டுள்ளார். புதுச்சேரி ஆளுநர் கிரண் பேடி வெளியிட்டுள்ள மே தின செய்தியில், இந்தியாவின் பொருளாதார வளர்ச்சிக்கு தங்களது கடின உழைப்பை தரும் தொழிலாளர் வர்க்கத்துக்கு மரியாதை செலுத்துவதாகக் கூறியுள்ளார்.

Advertisement:
Advertisement:
Advertisement:
[X] Close