[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

விரைவில் நலம் பெறுவார் கருணாநிதி : ராகுல்காந்தி பேட்டி

karunanidhi-gets-better-rahul-gandhi

மருத்துவமனையில் சிகிச்சை பெற்று வரும் திமுக தலைவர் கருணாநிதி விரைவில் பூரண குணம் பெற்று வீடு திரும்புவார் என காங்கிரஸ் துணைத் தலைவர் ராகுல்காந்தி தெரிவித்துள்ளார்.

தொண்டை மற்றும் நுரையீரல் தொற்றால் ஏற்பட்ட மூச்சுத்திணறல் காரணமாக திமுக தலைவர் கருணாநிதி கடந்த வியாழக்கிழமை இரவு சென்னை காவேரி மருத்துவமனையில் அனுமதிக்கப்பட்டார். அவருக்கு ட்ரக்கியோஸ்டோமி சிகிச்சை அளிக்கப்பட்டு வருவதாக காவேரி மருத்துவமனை நிர்வாகம் தெரிவித்துள்ளது.

இந்நிலையில் திமுக தலைவர் கருணாநிதியின் உடல் நலம் குறித்து விசாரிக்க காங்கிரஸ் துணைத் தலைவர் ராகுல்காந்தி டெல்லியிலிருந்து விமானம் மூலம் காலை 11.15 மணியளவில் சென்னை விமான நிலையம் வந்தடைந்தார். பின்னர் அங்கிருந்து நேராக ஆழ்வார்ப்பேட்டையில் உள்ள காவேரி மருத்துவமனைக்கு ராகுல் காந்தி காரில் சென்றார். அங்கு திமுக தலைவர் கருணாநிதி சிகிச்சை பெறும் பிரிவுக்குச் சென்ற ராகுல் காந்தி, கருணாநிதியின் உடல்நிலை குறித்து மருத்துவர்களிடம் கேட்டறிந்தார். திமுக பொருளாளர் ஸ்டாலின், மாநிலங்களவை எம்.பி. கனிமொழி ஆகியோரிடம் கருணாநிதி விரைவில் நலம் பெற சோனியா காந்தி வாழ்த்துத் தெரிவித்ததாகக் கூறினார்.

பின்னர் மருத்துவமனை வளாகத்தில் செய்தியாளர்களைச் சந்தித்த ராகுல்காந்தி, கருணாநிதியை நேரில் சந்தித்து பேசியதாகவும், அவர் நல்ல உடல் நலத்துடன் இருப்பதாகவும் தெரிவித்தார். தமிழக மக்களின் தலைவர் கருணாநிதி என குறிப்பிட்ட ராகுல்காந்தி, அவர் விரைவில் நலம் பெற்று வீடு திரும்புவார் என நம்பிக்கை தெரிவித்தார்.

ராகுல் காந்தியுடன் காங்கிரஸ் மூத்த தலைவர்கள் ப. சிதம்பரம், திக் விஜய் சிங் மற்றும் தமிழக காங்கிரஸ் கமிட்டி தலைவர் திருநாவுக்கரசர், முன்னாள் தலைவர் ஈவிகேஎஸ் இளங்கோவன் ஆகியோர் உடனிருந்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close