[X] Close
JUST IN
  • BREAKING-NEWS இலங்கை குண்டு வெடிப்பில் பலியானவர்களின் எண்ணிக்கை 140 ஆக உயர்வு
  • BREAKING-NEWS மதுரையில் வாக்குப்பதிவு இயந்திரம் உள்ள அறைக்குள் நுழைந்த பெண் வட்டாட்சியர் சம்பூர்ணம் சஸ்பெண்ட்
  • BREAKING-NEWS பொறியியல் படிப்பிற்கான கலந்தாய்வு அட்டவணை வெளியீடு; பொதுப்பிரிவினருக்கான கலந்தாய்வு ஜூலை 3ம் தேதி தொடங்குகிறது
  • BREAKING-NEWS பாப்பிரெட்டிப்பட்டி சட்டமன்றத் தொகுதிக்குட்பட்ட 8 வாக்குச்சாவடிகளில் மறுவாக்குப்பதிவு நடத்த தேர்தல் ஆணையத்துக்கு தலைமைத் தேர்தல் அதிகாரி சத்யபிரதா சாஹூ பரிந்துரை
  • BREAKING-NEWS திருச்சி அருகே கோயில் திருவிழா கூட்ட நெரிசலில் சிக்கி 7 பேர் பலி

சிஎஸ்கே- ராஜஸ்தான் சேப்பாக்கத்தில் இன்று மோதல்: ரணகளப்படுத்துவாரா ராயுடு?

csk-take-on-rajasthan-royals-today

ஐபிஎல் தொடரில் சென்னையில் இன்று நடக்கும் போட்டியில் சிஎஸ்கே- ராஜஸ்தான் ராயல்ஸ் அணிகள் மோதுகின்றன.

ஐபிஎல். கிரிக்கெட் தொடரின் 12 வது லீக் போட்டி, சென்னையில் இன்று நடக்கிறது. இதில் தோனி தலைமையிலான சென்னை சூப்பர் கிங்ஸ் அணி (சிஎஸ்கே), ரஹானே தலைமையிலான ராஜஸ்தான் ராயல்ஸ் அணியை சந்திக்கிறது.

சிஎஸ்கே, தனது முதல் போட்டியில், ராயல் சேலஞ்சர்ஸ் பெங்களூரையும் இரண்டாவது போட்டியில் டெல்லி கேப்பிட்டல்ஸ் அணியையும் வென்றுள்ளது. ராஜஸ்தான் ராயல்ஸ் முதலாவது போட்டியில் கிங்ஸ் லெவன் பஞ்சாப் அணியிடமும், இரண்டாவது போட்டியில் ஐதராபாத் சன் ரைசர்ஸ் அணியிடமும் தோல்வியடைந்துள்ளது. இதனால் இந்த போட்டியில் தனது முதல் வெற்றியை பதிவு செய்ய முயற்சிக்கும்.

ராஜஸ்தான் அணியின் சஞ்சு சாம்சன் கடந்த போட்டியில் அபார சதம் அடித்தார். அந்த அணியில் ஜாஸ் பட்லர், ஸ்மித், பென் ஸ்டோக்ஸ், ராகுல் திரிபாதி என சிறந்த பேட்ஸ்மேன்கள் இருக்கிறார்கள். ஜெயதேவ் உனட்கட், ஆர்ச்சர், கவுதம் உள்ளிட்ட சிறந்த பந்துவீச்சாளர்களும் இருக்கிறார்கள். இதனால் அந்த அணி பலம் வாய்ந்த அணியாகவே இருக்கிறது. 

சிஎஸ்கே அணியில், அம்பத்தி ராயுடு தனது பழைய மேஜிக்கை காண்பிக்கவில்லை. கடந்த தொடரில் சிறப்பாக ஆடிய அவர், இந்த தொடரில் சொதப்பி வருகிறார். இருந்தாலும் சுரேஷ் ரெய்னா, வாட்சன், கேதர் ஜாதவ், தோனி என வலுவான பேட்டிங் லைன் அப்-பை கொண்டிருக்கிறது. சுழற்பந்து வீச்சாளர்கள் இம்ரான் தாஹிர், ஹர்பஜன்சிங், ஜடேஜா ஆகியோரும், வேகப்பந்துவீச்சில் தீபக் சாகரும், ஆல் ரவுண்டர் பிராவோவும் சிறப்பாக பந்து வீசி வருகின்றனர்.

சென்னையில் நடந்த முதல் லீக் போட்டியில் பிட்ச் மெதுவாக இருந்தது. இதுபற்றி விராத் கோலி, தோனி ஆகியோரும் வருத்தம் தெரிவித்தி ருந்தனர். அதனால் இன்றைய போட்டியில் ஆடுகளம் எப்படியிருக்கும் என்கிற ஆவல் ரசிகர்களுக்கு இருக்கிறது. இரு அணிகளும் இதுவரை 19 முறை நேருக்கு நேர் சந்தித்துள்ளன. இதில் சிஎஸ்கே 12 முறையும், ராஜஸ்தான் 7 முறையும் வெற்றி பெற்றுள்ளன. இரவு 8 மணிக்கு போட்டி நடக்கிறது.

முன்னதாக, ஐதராபாத்தில் நடக்கும் மற்றொரு போட்டியில், ஐதராபாத் சன்ரைசர்ஸ் அணியும் ராயல் சேலஞ்சர்ஸ் பெங்களூரு அணியும் மோதுகிறது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close