[X] Close
JUST IN
  • BREAKING-NEWS தமிழ்நாடு திரைப்பட இயக்குநர் சங்கத்தேர்தலில் தலைவர் பதவிக்கு போட்டியிட்ட ஆர்.கே.செல்வமணி வெற்றி
  • BREAKING-NEWS இந்தோனேஷியா ஓபன் பேட்மிண்டன்: வெள்ளிப்பதக்கம் வென்றார் சிந்து
  • BREAKING-NEWS ''அதிமுகவின் உண்மையான தொண்டர்கள் திமுகவில் இணைய வேண்டும்'' - திமுக தலைவர் ஸ்டாலின்
  • BREAKING-NEWS ஆங்கிலப் புத்தாண்டில் இந்து கோயில்களை திறக்க தடை கோரிய வழக்கு தள்ளுபடி

மகேந்திர சிங் தோனி நீக்கப்பட்டது ஏன்? - விராட் விளக்கம்

i-was-not-part-of-that-conversation-says-virat-kohli-on-ms-dhoni-s-ouster-from-t20

வெஸ்ட் இண்டீஸ் மற்றும் ஆஸ்திரேலியாவுக்கு எதிரான டி20 தொடர்களில் இருந்து மகேந்திர சிங் தோனி நீக்கப்பட்டது குறித்து இந்திய அணி கேப்டன் விராட் கோலி கருத்து தெரிவித்துள்ளார்.

வெஸ்ட் இண்டீஸ் மற்றும் ஆஸ்திரேலியாவுக்கு எதிரான டி20 தொடர்களில் இருந்து மகேந்திர சிங் தோனி நீக்கப்பட்டுள்ளார். அவருக்குப் பதிலாக ரிஷாப் பன்ட், தினேஷ் கார்த்திக் ஆகியோர் விக்கெட் கீப்பிங் வேலையை செய்வார்கள். இதில் அணியில் இடம் பிடிக்க இருவருக்கும் கடும்போட்டி நிலவும் எனத் தெரிகிறது.

இதுபற்றி பேசிய தேர்வுக் குழுத் தலைவர் எம்.எஸ்.கே.பிரசாத், 'அடுத்து நடக்க இருக்கிற ஆறு டி20 போட்டிகளில் தோனி விளையாட மாட்டார். நாங்கள் 2-வது விக்கெட் கீப்பர் இடத்தை தேர்வு செய்வதற்காக இந்த முடிவை எடுத்துள்ளோம். டி 20-ல் தோனியின் வாழ்வு முடிந்து விட்டது என்று அர்த்தமல்ல’ என்று கூறியிருந்தார்.

தோனி நீக்கப்பட்டதற்கு எதிர்ப்பு தெரிவித்து அவரது ரசிகர்கள் சமூக வலைத்தளங்களில் இந்திய கிரிக்கெட் அணியின் தேர்வுக் குழுவை கடுமையாக விமர்சித்து வந்தனர். இந்நிலையில் தோனி நீக்கப்பட்டதற்கான காரணம் குறித்து பல தகவல்கள் பரவின. தோனியின் இடத்துக்கு மாற்று வீரரை தேட வேண்டியது அவசியம் என்றும் அதனால் இப்போதே அதற்கான முயற்சியில் இந்திய கிரிக்கெட் அணி இறங்கியுள்ளதாகவும் கூறப்படுகிறது. நீக்கம் குறித்த முடிவு தோனியிடம் தெரிவிக்கப்பட்டது என்றும் அதை அவர் ஏற்றுக்கொண்டார் என்றும் தகவல் வெளியாகியுள்ளது.

மேலும் தோனியின் நீக்கம் குறித்து கேப்டன் விராத் கோலி, துணைக் கேப்டன் ரோகித் சர்மா ஆகியோரிடம் ஆலோசிக்கப்பட்டது. அவர்களின் சம்மதத்துக்குப் பின்பே, தோனியின் நீக்கம் குறித்து முடிவு எடுக்கப்பட்டதாக தகவல்கள் வெளியாகியுள்ளன. இந்நிலையில் இது குறித்து விராட் கோலி கருத்து தெரிவித்துள்ளார்.

அதில் இது குறித்து தேர்வுக்குழு ஏற்கெனவே கருத்து தெரிவித்துவிட்டது. இது குறித்து நான் ஏன் கருத்து சொல்லவேண்டுமென்று தெரியவில்லை. அங்கு நடந்த ஆலோசனைக்கூட்டத்தில் நான் இல்லை. அதனால் இது குறித்து தேர்வுக்குழுதான் என்ன நடந்தது என்று சொல்ல வேண்டும். 

தோனி இந்திய அணியின் ஓர் அங்கம். அவர் வழக்கம் போல இந்திய அணிக்காக ஒருநாள் போட்டிகளில் விளையாடுவார். ரிஷாப் பன்ட் போன்றவர்களுக்காக அவர் வாய்ப்பு கொடுத்திருக்கலாம். அவரது விருப்பப்படி பார்த்தால் இது இளைஞர்களுக்கு வாய்ப்பு கொடுக்க வேண்டும் என்பதாக படுகிறது. வேறு எந்தக் காரணமும் இருக்க வாய்ப்பில்லை என்று தெரிவித்தார்.  
 

Advertisement:
இது தொடர்பான செய்திகள் :
Advertisement:
Advertisement:
[X] Close