[X] Close
JUST IN
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்
  • BREAKING-NEWS சேலம்-சென்னை 8 வழிச்சாலை திட்டத்திற்காக நிலம் தர விருப்பம் இல்லாத விவசாயிகளை துன்புறுத்தக்கூடாது - உயர்நீதிமன்றம்

ஸ்டோக்ஸ் வேகத்தில் வீழ்ந்தது இந்திய அணி - 1000வது போட்டியை வென்றது இங்கிலாந்து

england-beat-india-by-31-runs-at-edgbaston-test

இந்திய அணியுடனான விறுவிறுப்பு நிறைந்த முதல் டெஸ்ட் போட்டியில் இங்கிலாந்து அணி 31 ரன்கள் வித்தியாசத்தில் போராடி வென்றது.

பிர்மிங்ஹாமில் நடைபெற்ற போட்டியில் முதல் இன்னிங்ஸில் இங்கிலாந்து அணி 287 ரன்களும், இந்திய அணி 274 ரன்களும் எடுத்தன. இங்கிலாந்து அணி இரண்டாவது இன்னிங்ஸில் 180 ரன்களுக்கு சுருண்டது. 194 ரன்கள் என்ற வெற்றி இலக்குடன் விளையாடிய இந்திய அணி மூன்றாம் நாள் முடிவில் 5 விக்கெட் இழப்புக்கு 110 ரன்கள் எடுத்திருந்தது. 

43 ரன்களுடன் விராட் கோலியும், 18 ரன்களுடன் தினேஷ் கார்த்திக்கும் நான்காவது நாளில் ஆட்டத்தை தொடர்ந்தனர். மேலும் 2 ரன்கள் சேர்த்த தினேஷ் கார்த்திக், ஜேம்ஸ் ஆண்டர்சனின் பந்துவீச்சில் ஆட்டமிழந்தார். நிதானமாக விளையாடி அரைசதம் அடித்த கேப்‌டன் விராட் கோலி 51 ரன்களில் வெளியேறினார். அவரைத் தொடர்ந்து இஷாந்த் ஷர்மா 11 ரன்கள் எடுத்து வெளியேறினார். 

      

வெற்றிக்காக போராடிய ஹர்திக் பாண்ட்யா 31 ரன்களில் விக்கெட்டை இழக்க, இந்திய அணி 162 ரன்களுக்கு ஆட்டமிழந்தது. 31 ரன்கள் வித்தியாசத்தில் வெற்றி பெற்ற இங்கிலாந்து அணி ஐந்து போட்டிகள் கொண்ட தொடரில் ஒன்றுக்கு பூஜ்யம் என்ற கணக்கில் முன்னிலை பெற்றது. 2 வது இன்னிங்ஸில் பென் ஸ்டோக்ஸ் 4 விக்கெட்டுகளையும், ஆண்டர்சன், பிராட் ஆகியோர் தலா 2 விக்கெட்டுகளையும் வீழ்த்தினர். இங்கிலாந்து அணி தனது 1000வது டெஸ்ட் போட்டியில் வெற்றி பெற்றுள்ளது.


 

Advertisement:
இது தொடர்பான செய்திகள் :
Advertisement:
Advertisement:
[X] Close