[X] Close
JUST IN
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS சென்னையில் பெட்ரோல் லிட்டருக்கு ரூ.79.46 காசுகளாகவும், டீசல் லிட்டருக்கு ரூ.75.44 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

விரைவில் ஓய்வு பெறுகிறேன்: மலிங்கா விரக்தி

i-am-planning-to-announce-my-retirement-soon-lasith-malinga

‘சர்வதேச கிரிக்கெட் போட்டியில் இனி விளையாடுவேன் என்று நினைக்கவில்லை. அதனால் விரைவில் ஓய்வை அறிவிக்க இருக்கிறேன்’ என்று லசித் மலிங்கா கூறினார்.

இலங்கை கிரிக்கெட் அணியின் வேகப்பந்து வீச்சாளர் லசித் மலிங்கா. சமீபகாலமாக அவரது ஆட்டத்திறன் கேள்விக் குறியாகியுள்ளது. இதனால் இலங்கை அணியில் இருந்து ஓரங்கட்டுப் பட்டு வருகிறார். இந்நிலையில் ஐபிஎல் போட்டியில் மும்பை இந்தியன்ஸ் அணிக்காக ஆடிய அவரை, இந்த வருடம் யாரும் ஏலத்தில் எடுக்கவில்லை. இப்போது மும்பை இந்தியன்ஸ் அணியின் பந்துவீச்சு வழிகாட்டியாக நியமிக்கப்பட்டிருக்கிறார். இதனால் விரக்தி அடைந்துள்ள அவர், விரைவில் சர்வதேச கிரிக்கெட்டில் இருந்து ஓய்வு பெறபோவதாகத் தெரிவித்துள்ளார். 

அவர் கூறும்போது, ‘சர்வதேச கிரிக்கெட் போட்டியில் இனியும் விளையாடுவேன் என்று நினைக்கவில்லை. மனரீதியாகவும் கிரிக்கெட்டில் இருந்து விடைபெற்றுவிட்டேன். விரைவில் எனது ஓய்வு முடிவை அறிவிக்க இருக்கிறேன். எனது ஐபிஎல் ஆட்டமும் முடிந்துவிட்டது. மும்பை இந்தியன்ஸ் அணியில் எனக்கு புதிய அத்தியாயம் தொடங்க இருக்கிறது. அந்த அணியுடன் 10 வருடங்கள் இனிமையான அனுபவங்கள் இருக்கிறது.

எனக்கு 34 வயதாகிறது. என் இளமை இனி திரும்பப் போவதில்லை. அதனால் அடுத்தக் கட்டம் நோக்கி நகர இதுதான் சரியான நேரம். இலங்கைக்குச் சென்றதும் உள்ளூர் கிரிக்கெட்டில் விளையாட போகிறேன். என் உடல் நிலை எப்படி ஒத்துழைக்கிறது என்பதை பார்த்துவிட்டு இலங்கை கிரிக்கெட் வாரியத்துடன் பேச இருக்கிறேன்’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close