[X] Close
JUST IN
  • BREAKING-NEWS ஸ்டெர்லைட் ஆலையில் இருந்து 2124 டன் கந்த அமிலம் அகற்றம்
  • BREAKING-NEWS அரசின் எந்த துறையையும் ஆளுநர் விமர்சித்தது இல்லை: ஆளுநர் மாளிகை விளக்கம்
  • BREAKING-NEWS கர்நாடக முதல்வர் அழுது புலம்பினாலும் செல்லாது - அமைச்சர் ஜெயக்குமார்
  • BREAKING-NEWS சமூகத்தின் மிகப்பெரிய பிரச்னை சாதி; நாட்டில் இன்னும் சாதி வேற்றுமை உள்ளது - ப.சிதம்பரம்
  • BREAKING-NEWS பாஜகவின் பலத்தை எதிர்க்கட்சிகளால் எதிர்கொள்ள முடியாது- தமிழிசை சவுந்தரராஜன்
  • BREAKING-NEWS மாநில உரிமைகளில் ஆளுநர் தொடர்ந்து தலையிடுவதை பொறுத்துக்கொள்ள முடியாது- மு.க.ஸ்டாலின்
  • BREAKING-NEWS மதுரையில் அமைக்கப்பட உள்ள் எய்ம்ஸ் போல் மேலும் ஒரு எய்ம்ஸ் வந்தாலும் நல்லதுதான் - டிடிவி தினகரன்

சென்னை சூப்பர் கிங்ஸில் தோனி, ரெய்னா கன்பர்ம்: 3 வது வீரர் அஸ்வினா, ஜடேஜாவா?

super-kings-to-retain-dhoni-raina

சென்னை சூப்பர் கிங்ஸ் அணியில் தோனியும் ரெய்னாவும் இடம்பெறுவது உறுதியாகியுள்ளது. மூன்றாவது வீரராக யாரை தேர்வு செய்வது என்பதில் குழப்பம் ஏற்பட்டுள்ளதாகத் தெரிகிறது.

ஐபிஎல் கிரிக்கெட் போட்டி ஒவ்வொரு வருடமும் நடந்து வருகிறது. ஸ்பாட் பிக்சிங் விவகாரத்தில் சிக்கி சென்னை சூப்பர் கிங்ஸ், ராஜஸ்தான் ராயல்ஸ் அணிகள் தடை செய்யப்பட்டிருந்தன. இதனால் இந்த இரண்டு அணி, வீரர்களும் வேறு அணியில் இணைந்து ஆடினர். தற்போது தடை நீங்கிய நிலையில், சென்னை சூப்பர் கிங்ஸ், ராஜஸ்தான் ராயல்ஸ் அணிகள் அடுத்த ஆண்டு மீண்டும் களமிறங்குகின்றன. 

பதினோறாவது ஐ.பி.எல். கிரிக்கெட் போட்டிக்கான ஏலம், அடுத்த ஆண்டு ஜனவரி 27 மற்றும் 28 ஆம் தேதிகளில் பெங்களூருவில் நடைபெறுகிறது. இதில் ஒவ்வொரு அணியும் தங்கள் அணியின் 3 வீரர்களை தக்க வைத்துக்கொள்ளலாம். மற்ற வீரர்கள் ஏலத்திற்கு வருகிறார்கள். ஏலத்தில் வீரர்களை எடுக்க ஒவ்வொரு அணியும் ரூ.80 கோடி வரை பயன்படுத்திக்கொள்ள அனுமதி அளிக்கப்பட்டு உள்ளது.

இந்நிலையில் சென்னை சூப்பர் கிங்ஸ், அணியின் கேப்டன் தோனி, அதிரடி ஆட்டக்காரர் சுரேஷ் ரெய்னா ஆகியோரை தக்க வைக்க முடிவு செய்துள்ளது. மற்றொரு வீரராக சுழற்பந்துவீச்சாளர் அஸ்வின் அல்லது ஜடேஜா ஆகியோரில் ஒருவரை தக்க வைக்க முடிவு செய்துள்ளது. இரண்டு பேரில் யாரை தேர்ந்தெடுப்பது என்பதில் குழப்பம் ஏற்பட்டுள்ளதாகத் தெரிகிறது.

இரண்டு வீரர்களும் சென்னை சூப்பர் கிங்ஸ் அணியின் முக்கியமான வீரர்கள் என்பதால் அஸ்வினை தக்க வைத்துக்கொண்டு, ஜடேஜாவை ஏலத்தில் எடுக்கலாம் எனவும் கூறப்படுகிறது.

இதே போல சென்னை சூப்பர் கிங்ஸ் அணியின் பிராவோ, டுபிளிசிஸ், மெக்குல்லம், ஆண்ட்ரு டை ஆகியோரின் ஃபார்ம் கவனிக்கப்பட்டு வருவதாகவும் அதை வைத்தே இவர்களை ஏலத்தில் எடுக்க இருப்பதாகவும் கூறப்படுகிறது. இதுதவிர தமிழக வீரர்கள் சிலர் சென்னை அணியில் சேர்க்கப்பட இருக்கிறார்கள். 

யோ மகேஷ், விக்னேஷ், ராகுல் ஷா, சாய் கிஷோர், ஜெகதீசன் ஆகிய தமிழக வீரர்கள் மீது ஐபிஎல் டீமின் கவனத்தில் இருக்கிறார்கள் என்பது குறிப்பிடத்தக்கது. 
 

Advertisement:
Advertisement:
Advertisement:
[X] Close