[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

அதிமுக 5 லட்சம் வாக்கு வித்தியாசத்தில் தோற்றதா ? 

gurumoorthy-spread-fake-information-about-aiadmk-defeat

துக்ளக் பத்திரிகை ஆசிரியர் மற்றும் வலதுசாரி கொள்கை கொண்ட குருமூர்த்தி தனது ட்விட்டரில் நேற்று சில ட்வீட்களை பகிர்ந்திருந்தார். அந்த ட்வீட்களில் அதிமுக மற்றும் பாஜக தோல்விகளை ஒப்பிட்டு பகிர்ந்திருந்தார். குறிப்பாக “ அதிமுக 2 தொகுதிகளில் 5 லட்சம் வாக்குகள் வித்தியாசத்திலும், 5 இடங்களில் 4 லட்சம் வாக்குகள் வித்தியாசத்திலும் , இன்னும் 5 இடங்களில் 3.5 லட்சம் வாக்குகள் வித்தியாசத்திலும் தோற்றுள்ளது. ஆனால் பாஜக 2 இடங்களில் 2 லட்சம் வாக்குகள் வித்தியாசத்திலும், ஒரு இடத்தில் 3 லட்சத்துக்கு அதிகமாகவும், மற்றொரு இடத்தில் 3லட்சத்துக்கு குறைவாகவும் தோற்றது. மோடிக்கு எதிரான அலை வீசுகிறது என்றால் 5 லட்சம் வாக்குகள் வித்தியாசத்தில் பாஜக தோற்றிருக்க வேண்டும். அப்படியெனில் இது யாருக்கு எதிரான அலை ? என கேள்வி எழுப்பினார். 

இது உண்மையா என தேர்தல் ஆணைய விவரங்களை ஆய்வு செய்த போது குருமூர்த்தி சொன்னது பொய் என தெரிய வருகிறது. அதிமுக ஒரு இடத்தில் கூட 5 லட்சம் வாக்குகள் வித்தியாசத்தில் தோற்கவில்லை. தம்பிதுரை மற்றும் சிவபதி ஆகியோர் 4 லட்சம் வாக்குகள் வித்தியாசத்தில் தோற்றுள்ளனர். பாமக தான் போட்டியிட்ட இடங்களில் 2 தொகுதிகளில் அதாவது திண்டுக்கல் மற்றும் ஸ்ரீபெரும்புதூர் தொகுதிகள் 5 லட்சம் வாக்குகள் வித்தியாசத்தில் தோற்றுள்ளது. தேமுதிக வடசென்னை தொகுதியில் 4 லட்சம் வாக்குகள் வித்தியாசத்தில் தோற்றுள்ளது. 

கடந்த முறை 1.2 லட்சம் வாக்குகள் வித்தியாசத்தில் வென்ற பொன்.இராதா , இம்முறை 2.59 லட்சம் வாக்குகள் வித்தியாசத்தில் தோற்றுள்ளார். சிவகங்கையில் அதிமுக 2.29 லட்சம் வாக்கு வித்தியாசத்தில் கடந்த முறை வென்றது. ஆனால் ஹெச்.ராஜா 3.32 லட்சம் வாக்குகள் வித்தியாசத்தில் தோற்றுள்ளார். இராமநாதபுரம் தொகுதில் கடந்த முறை அதிமுக 1.19 லட்சம் வாக்கு வித்தியாசத்தில் வென்றிருந்தும் கூட, பாஜக 1.27 லட்சம் வாக்குகள் வித்தியாசத்தில் தோல்வி அடைந்துள்ளது. 

இது யாருக்கு எதிரான அலை ? 

Advertisement:
இது தொடர்பான செய்திகள் :
Advertisement:
Advertisement:
[X] Close