[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

சர்ஜிக்கல் ஸ்டிரைக்... 2 ஆண்டுகள் நிறைவு

indian-govt-to-celebrate-september-29-as-surgical-strike-day

பாகிஸ்தான் ஆக்கிரமிப்பு காஷ்மீர் பகுதியில் இந்திய ராணுவம் ‌துல்லிய தாக்குதல் எனப்படும் "சர்ஜிக்கல் ஸ்டிரைக்" நடத்தி இன்றுடன் இரண்டு ஆண்டுகள் நிறைவடைகின்றன. 

ஜம்மு காஷ்மீர் எல்லையில் அத்துமீறிய பாகிஸ்தானுக்கு பதிலடி கொடுக்கும் வகையில் நடத்தப்பட்ட அதிரடி தாக்குதல், 'சர்ஜிக்கல் ஸ்டிரைக்'. கடந்த 2016ஆம் ஆண்டு செப்டம்பர் 17ஆம் தேதி இரவு காஷ்மீரின் பாரமுல்லா மாவட்டம் உரியில் முகாமிட்டிருந்த டோக்ரா படைப்பிரிவினருக்கு மறக்க இயலாத நாளாக மாறிவிட்டது. அப்பகுதியில் திடீரென ஊடுருவிய பயங்கரவாதிகள் ராணுவ முகாம் மீது வெடிகுண்டுகளை வீசி, சரமாரியாக துப்பாக்கியால் சுட்டனர். இந்த தாக்குதலில் 17 இந்திய ராணுவ வீரர்கள் வீரமரணம் அடைந்தனர். 20க்கும் மேற்பட்டோர் படுகாயம் அடைந்தனர். தாக்குத‌லின் பின்னணியில் பாகிஸ்தான் உளவுப்பிரிவு இருந்ததாக தகவல் வெளியானது. இதனைத் தொடர்ந்து தாக்குதலுக்கு கண்டனம் தெரிவித்த பிரதமர் மோடி, தாக்குதலில் ஈடுபட்டவர்கள் யாராக இருந்தாலும் தக்க பதிலடி கொடுக்கப்படும் என்றார்.

இதனையடுத்து செப்டம்பர் 28ஆம் தேதி நள்ளிரவு தொடங்கி 29ஆம் தேதி அதிகாலை வரை பாகிஸ்தான் ஆக்கிரமிப்பு காஷ்மீர் பகுதியில் புகுந்த இந்திய ராணுவ சிறப்புப் படை வீரர்‌கள் சர்ஜிக்கல் ஸ்டிரைக் எனப்படும் துல்லிய தாக்குதல் நடத்தினர். நள்ளிரவில் தொடங்கிய தாக்குதல் அதிகாலை 4.30 மணி வரை நீடித்தது. இந்தத் தாக்குதலில் அங்கிருந்த 7 பயங்கரவாத முகாம்களை அழித்துவிட்டு வெற்றிகரமாக திரும்பியதாக இந்திய ‌ராணுவத் தரப்பில் தெரிவிக்கப்பட்டது. ஆனால் சர்ஜிக்கல் ஸ்டிரைக் குறித்து மறுப்பு தெரிவித்த பாகிஸ்தான், எல்லை தாண்டி வந்து‌ தங்களது மண்ணில் இந்திய ராணுவம் தாக்குதல் நடத்தியதாகவும், இதில் பாகிஸ்தான் வீரர்கள் இருவர் கொல்லப்பட்டதாகவும் குற்றம் சாட்டியது‌.

ராணுவத்தின் சிறப்பு கமாண்டோ பிரிவு நடத்தும் அதிரடி தாக்குதலின் பெயரே சர்ஜிக்கல் ஸ்டிரைக் ஆகும். தாக்குதல் நடைபெற்று ‌636 நாட்களுக்குப் பிறகு கடந்த ஜூன் மாதம் அதற்கான ஆதாரங்கள் அடங்கிய முதல் வீடியோவை இந்திய ராணுவம் வெளியிட்டது. துருவ் ஹெலிகாப்டர் மூலம் சென்று, அதிலிருந்து பாராசூட் மூலம் குதித்த சிறப்புப் படை வீரர்கள், பாகிஸ்தான் ஆக்கிரமிப்பு காஷ்மீரில் இருந்த 4 இலக்குகளை குறிவைத்து தாக்குதல் நடத்தும் காட்சிகள் அந்த பதிவில் இடம்பெற்றிருந்தன. ‌தாக்குதலை டெல்லியில் இருந்தபடி அப்போதைய ராணுவ அமைச்சர் மனோகர் பரிக்கர், தேசிய பாதுகாப்பு ஆலோசகர் அஜீத் தோவல், ராணுவ தளபதி தல்பீர் சிங் ஆகியோர் நேரடியாக கண்காணித்ததாகவும் தகவல் வெளியானது.

இதனைதொடர்ந்து நேற்று முன்தினம் செப்டம்பர் 27ஆம் தேதி சர்ஜிக்கல் ஸ்டிரைக்கின் இரண்டாவது வீடியோ வெளியானது. இந்திய ராணுவம் நடத்திய துல்லிய தாக்குதல் குறித்து முரண்பட்ட கருத்துகள் எழுந்த நிலையில், புதிய வீடியோ வெளியிடப்பட்டது. ஆளில்லா விமானத்தில் இருந்து பதிவு செய்யப்பட்டது போல் காட்சியளிக்கும் இந்த வீடியோவில் பயங்கரவாதிகளின் முகாம்கள், ஆயுதங்கள், இந்தியா ராணுவம் நடத்திய தாக்குதல் ஆகியவை இடம் பெற்றுள்ளன. இந்நிலையில் சர்ஜிக்கல் ஸ்டிரைக்கை அரசு சாதனையாக கருதி  “சர்ஜிக்கல் ஸ்டிரைக் தினம்” ஆக கொண்டாட மத்திய அரசு முடிவு செய்து, நாடு முழுவதும் கொண்டாடபட்டு வருகிறது.
 

வீடியோ

Advertisement:
Advertisement:
Advertisement:
[X] Close