[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

நாளை கூடுகிறது கர்நாடக காங். எம்.எல்.ஏக்கள் கூட்டம் 

bengaluru-congress-party-has-called-for-a-legislature-party-meeting-tomorrow

பரபரப்பான அரசியல் கட்டத்தில் எம்.எல்.ஏக்கள் கூட்டத்திற்கு கர்நாடக காங்கிரஸ் கட்சி அழைப்பு விடுத்துள்ளது.

கர்நாடகாவில் காங்கிரஸ் மற்றும் மதசார்பற்ற ஜனதா தளம் கட்சியைச் சேர்ந்த 13 எம்.எல்.ஏக்கள் ராஜினாமா செய்வதாக அறிவித்ததை அடுத்து அம்மாநில அரசியலில் பரபரப்பு தொற்றிக் கொண்டது. ராஜினாமா கடிதம் குறித்து ஆய்வு செய்து முடிவு எடுக்கப்படும் என சபாநாயகர் கூறிவிட்டார். அதனால், சபாநாயகர் தங்களது ராஜினாமா கடிதத்தை ஏற்க உத்தரவிடும்படி மேலும் அதிருப்தி எம்எல்ஏக்கள் உச்சநீதிமன்றத்தில் மனுத்தாக்கல் செய்தனர். மேற்கொண்டு இரண்டு எம்.எல்.ஏக்கள் தங்களது ராஜினாமா கடிதத்தை கொடுத்தனர். அதனால், காங்கிரஸ் கட்சிக்கு நெருக்கடி ஏற்பட்டது. அதிருப்தி எம்.எல்.ஏக்களின் ராஜினாமா கடிதங்கள் மீது நாளை வரை சபாநாயகர் எந்த முடிவும் எடுக்கக் கூடாது என உச்ச நீதிமன்றம் தெரிவித்தது.

                   

இருப்பினும், நம்பிக்கை வாக்கெடுப்புக்கு தயார் என்றும் தான் பதவி விலக மாட்டேன் என்றும் முதல்வர் குமாரசாமி திட்டவட்டமாக தெரிவித்துவிட்டார். நாளை மீண்டும் கர்நாடக சட்டப்பேரவை கூடவுள்ளது. மனம் மாறி காங்கிரஸ் திரும்புவதாக எம்.எல்.ஏ நாகராஜ் நேற்று கூறியிருந்த நிலையில், இன்று அவர் பாஜக தலைவர் உடன் மும்பை சென்றுள்ளார்.

இத்தகைய பரபரப்பான சூழலில் நாளை எம்.எல்.ஏக்கள் கூட்டத்திற்கு கர்நாடக காங்கிரஸ் கட்சி அழைப்பு விடுத்துள்ளது. இதனிடையே, முதல்வர் குமாரசாமி உடனடியாக பதவி விலக வேண்டும் என்று கர்நாடக பாஜக தலைவர் எடியூரப்பா வலியுறுத்தியுள்ளார். இதுகுறித்து அவர் கூறுகையில், “15க்கும் மேற்பட்ட காங்கிரஸ் மற்றும் மஜத எம்.எல்.ஏக்கள், இரண்டு சுயேட்சை அமைச்சர்கள் ராஜினாமா செய்துள்ளனர். அவர்கள் பாஜகவை ஆதரிப்பதாக தெரிவித்து உள்ளனர்” என்று தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close