[X] Close
JUST IN
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

தொகுதி பங்கீடு பேச்சுவார்த்தை - தோழமை கட்சிகளுக்கு திமுக அழைப்பு

dmk-to-begin-poll-talks-with-allies-include-vck-vaiko-tomorrow

நாடாளுமன்றத் தேர்தலுக்கான தொகுதி பங்கீடு குறித்த பேச்சுவார்த்தைக்கு, தோழமை கட்சிகளுக்கு திமுக அழைப்பு விடுத்துள்ளதாக தகவல் வெளியாகியுள்ளது.

வரும் நாடாளுமன்ற தேர்தலில் திமுக தலைமையிலான கூட்டணியில் மதிமுக, விசிக, மார்க்சிஸ்ட் மற்றும் இந்திய கம்யூனிஸ்ட் கட்சிகள் இடம் பெற்றுள்ளன. இவர்களிடம் தொகுதி பங்கீடு குறித்து முதற்கட்ட பேச்சுவார்த்தை முடிவடைந்த நிலையில், இரண்டாம் கட்ட பேச்சுவார்த்தை ஞாயிறு அன்று நடைபெற உள்ளது. இந்த பேச்சுவார்த்தைக்கு விசிகவுக்கு அதிகாரப் பூர்வ அழைப்பு விடுக்கப்பட்டுள்ளது. 

           

இரண்டாம் கட்ட பேச்சுவார்த்தையில் தொகுதிகள் இறுதி செய்ய வாய்ப்பு இருப்பதாக தகவல் வெளியாகியுள்ளது. தொகுதி பங்கீட்டில் மதிமுகவுக்கு மூன்று இடங்களும், விசிக, மார்க்சிஸ்ட், இந்திய கம்யூனிஸ்ட் கட்சிகளுக்கு தலா இரண்டு இடங்களும் வழங்க உள்ளதாக தெரிகிறது. முதற்கட்ட பேச்சுவார்த்தையின் போதே தோழமைக் கட்சிகள் தங்களுடைய விருப்பத் தொகுதிகளை அளித்ததாக தெரிகிறது. ‌ 

          

டெல்லியில் நடைபெறும் மார்க்சிஸ்ட் கட்சியின் மத்திய குழு கூட்டத்தில் அக்கட்சியினர் பங்கேற்றுள்ளதால் வரும் திங்கட்கிழமை அவர்களுடன் பேச்சுவார்த்தை நடைபெறும் எனத் தெரிகிறது. தொகுதி பங்கீடு இறுதி செய்யப்பட்டால் திமுக தலைவர் ஸ்டாலின் முன்னிலையில் அதற்கான ஒப்பந்தம் கையெழுத்தாகி அறிவிக்கப்படும். ஏற்கனவே காங்கிரஸ் கட்சிக்கு பத்து இடங்களும், இந்திய யூனியன் முஸ்லீம் லீக் கட்சிக்கு ஒரு இடமும் வழங்கப்பட்டுள்ளன.

Advertisement:
இது தொடர்பான செய்திகள் :
Advertisement:
Advertisement:
[X] Close