[X] Close
JUST IN
  • BREAKING-NEWS கிழக்கு டெல்லி மக்களவை தொகுதியில் பாஜக சார்பில் முன்னாள் கிரிக்கெட் வீரர் கவுதம் கம்பீர் போட்டியிடுகிறார்
  • BREAKING-NEWS சென்னையில் நடைபெறுவதாக இருந்த ஐபிஎல் 2019 இறுதிப்போட்டி ஐதராபாத்துக்கு மாற்றம்
  • BREAKING-NEWS கொழும்பு கொச்சிக்கடை கந்தானையில் தேவாலயம் அருகே கைப்பற்றப்பட்ட வெடிகுண்டை செயலிழக்க செய்ய முயன்றபோது குண்டு வெடித்தது
  • BREAKING-NEWS இலங்கையின் கொழும்பு பேருந்து நிலையத்தில் நின்றிருந்த பேருந்தில் இருந்து 87 டெட்டனேட்டர்கள் பறிமுதல்; வெடி குண்டுகளை செயலிழக்க செய்யும் பணியில் நிபுணர்கள் ஈடுபட்டுள்ளதாக தகவல்
  • BREAKING-NEWS காஞ்சிபுரம் மற்றும் அதன் சுற்றுவட்டார பகுதிகளில் பலத்த காற்றுடன் கனமழை; கன்னியாகுமரி மாவட்டம் தக்கலை, அழகிய மண்டபம், மூலச்சல் உள்ளிட்ட பகுதிகளில் கனமழை
  • BREAKING-NEWS இலங்கையில் தொடர் குண்டு வெடிப்பு காரணமாக இன்று நள்ளிரவு முதல் அவசரநிலை பிரகடனம்
  • BREAKING-NEWS தமிழகத்தில் உள்ளாட்சி தேர்தல் நடத்த மேலும் 3 மாதம் அவகாசம் தேவை என உச்சநீதிமன்றத்தில் தமிழக தேர்தல் ஆணையம் பிரமாணப் பத்திரம் தாக்கல்

“அரசியல் ஆபத்தான விளையாட்டு; தேசத்திற்கு நல்லது நினைக்கிறார் மோடி..”- மனம் திறந்த ரஜினி..!

politics-is-a-dangerous-game-rajinikanth

அரசியல் என்பது ஆபத்தான விளையாட்டு என நடிகர் ரஜினிகாந்த் தெரிவித்துள்ளார்.

கடந்த வருடம் இதே டிசம்பர் மாதத்தில் தான் தனது அரசியல் பயண அறிவிப்பை ரடிகர் ரஜினிகாந்த் அதிகாரப்பூர்வமாக அறிவித்தார். வரும் சட்டமன்றத் தேர்தலில் அனைத்து தொகுதிகளிலும் போட்டியிடுவேன் என அவர் தெரிவித்திருந்தாலும் கூட இதுவரை கட்சியின் பெயர் அறிவிக்கப்படவில்லை. ஆனால் ரஜினி மக்கள் மன்றத்தை வலுப்படுத்தும் முயற்சியில் ஈடுபட்டுள்ளார். தற்போது அவர் நடிப்பில் வெளியாகி உள்ள 2.0 திரைப்படம் திரையரங்குகளில் ஓடிக்கொண்டிருக்கிறது. இந்த நேரத்தில் ‘இந்தியா டுடே’வுக்கு அவரது இல்லமான போயஸ் கார்டனில் நடிகர் ரஜினிகாந்த் பேட்டியளித்துள்ளார். அதில் பல்வேறு விஷயங்களை அவர் குறிப்பிட்டு பேசியிருக்கிறார்.

“படங்களில் காமெடி காட்சிகள் பிடிக்கும். காமெடி காட்சிகளில் நடிப்பதிலும் எனக்கு சிரமம் இல்லை. செட்டிற்கு செல்லும் போது அன்று காமெடி காட்சிகள் படமாக்கப்பட இருந்தால் நான் மகிழ்ச்சி அடைந்து விடுவேன். மற்றவர்களை சிரிக்கை வைப்பது என்பது அவ்வளவு கடினமான ஒன்று. டைமிங் காமெடியும் மிகவும் சவாலான ஒன்று.

நடிக்க வந்த புதிதில் நான் சிவாஜி கணேசன் போன்று டயலாக் டெலிவரியை பின்பற்றினேன். ஆனால் இது எல்லாம் பாலசந்தருடன் வேலை செய்யும் முன்புவரை தான். அவர் முழுமையாக என்னை மாற்றினார். நான் எது செய்தாலும் சற்று வேகமாக செய்வேன். அவர் என்னிடம் இருக்கும் வேகத்தை கண்டுபிடித்தார். அதையே பின்பற்று என்று அறிவுறுத்தினார். அது என் உன் பாணி.. உன் அடையாளம் என்றார். அப்படித்தான் என் ஸ்டைல் வந்தது.

அரசியல் தளம் வேறு. சினிமா தளம் வேறு. பொழுதுபோக்கிற்கான விஷயங்களில் அரசியலை கொண்டுவரக் கூடாது. இருப்பினும் ஒரு சில படங்களில் சில அரசியல் சார்ந்த டயலாக் இருக்கும். அது வேண்டுமென்ற கொண்டுவரப்பட்டது அல்ல.

சினிமாவில் இருந்து அரசியலுக்கு வர நினைக்கும் யாருக்கும் எம்ஜிஆர் ஒர ரோல் மாடல். உதவும் குணம் அவருக்கு இயல்பாகவே இருந்தது. என்னதான் சொன்னாலும் ஜெயலலிதா ஒரு சிறந்த பெண். அவரின் தன்னம்பிக்கை. உறுதியை பாராட்டியே ஆக வேண்டும். ஆண்கள் நிறைந்த அரசியல் உலகில் தனி ஒரு பெண்ணாக தனித்து நின்றவர்.

கமல்ஹாசனை என் அரசியல் போட்டியாளராக கருதவில்லை. அவர் ஒரு நல்ல நண்பர். சக நடிகர். இப்போதும் என்னுடைய நெருங்கிய நண்பராக இருக்கிறார்.

பிரதமர் மோடி நாட்டிற்கு நல்லது செய்ய விரும்புகிறார். அதற்காக கடினமாக முயற்சிக்கிறார். சிறந்தவற்றை செய்ய முயற்சிக்கிறார். நான் இன்னும் முழுமையான அரசியல் பணிகளில் ஈடுபடவில்லை. ஆனால் அரசியல் என்பது மிகவும் சவாலான ஒன்று. மலர்கள் நிறைந்த பாதையில்லை. அத்துடன் ஆபத்தான விளையாட்டு மற்றும் நாடகம் நிறைந்தது. அதில் கவனமுடம் விளையாட வேண்டும். நேரம் மிக முக்கியமானது” என தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close