[X] Close
JUST IN
  • BREAKING-NEWS தமிழகத்தை சகாரா பாலைவனமாக்கும் ஹைட்ரோ கார்பன் திட்டங்களுக்கு அனுமதி தரும் முடிவை பாஜக கைவிட வேண்டும் - மு.க.ஸ்டாலின்
  • BREAKING-NEWS ரூ.6 கோடி சொத்து வரி பாக்கி செலுத்தாததால் மேட்டூர் அனல் மின் நிலையத்துக்கு பேரூராட்சி நிர்வாகம் ஜப்தி எச்சரிக்கை நோட்டீஸ் அனுப்பியது
  • BREAKING-NEWS காஞ்சிபுரம் மாவட்டம் நெம்மேலியில் கடல்நீரை குடிநீராக்கும் 2வது ஆலைக்கு அடிக்கல் நாட்டினார் முதல்வர் பழனிசாமி
  • BREAKING-NEWS சமூக செயற்பாட்டாளர் முகிலன் காணாமல்போன வழக்கில் சிபிசிஐடி விசாரணை சரியான பாதையில் சென்றுகொண்டிருக்கிறது - சென்னை உயர்நீதிமன்றம்

ஹெச்.ராஜா வருத்தத்தை ஏற்க முடியாது: கமல்ஹாசன்

kamal-hassan-remarks-about-h-raja-statements

ஹெச்.ராஜா வருத்தம் தெரிவித்ததை தன்னால் ஏற்க முடியாது என நடிகர் கமல்ஹாசன் தெரிவித்துள்ளார்.

திரிபுராவில் லெனின் சிலை உடைக்கப்பட்டது குறித்து ஹெச்.ராஜா நேற்று தனது முகநூல் பதிவில், “லெனின் யார்? அவருக்கும் இந்தியாவிற்கும் என்ன தொடர்பு ? கம்யூனிசத்திற்கும் இந்தியாவிற்கும் என்ன தொடர்பு? லெனின் சிலை உடைக்கப்பட்டது திரிபுராவில்... இன்று திரிபுராவில் லெனின் சிலை.. நாளை தமிழகத்தில் சாதி வெறியர் ஈ.வெ.ராமசாமி சிலை” என்ற கருத்தினை பதிவிட்டிருந்தார். பின்னர் அதனை நீக்கிவிட்டார். ஹெச்.ராஜாவின் முகநூல் பதிவுக்கு பல்வேறு அரசியல் தலைவர்கள் தங்களது கடும் கண்டங்களை பதிவு செய்தனர்.

இதனிடையே பெரியார் சிலை அகற்றப்படும் என்ற பதிவை என் அனுமதி இல்லாமல் அட்மின் முகநூலில் பதிவு செய்துவிட்டார் என ஹெச்.ராஜா விளக்கம் கொடுத்துள்ளார். இப்பதிவினால் யார் மனதும் புண்பட்டிருக்குமானால் அதற்கு என் இதயபூர்வமான வருத்தத்தை தெரிவித்துக் கொள்வதாகவும் ஹெச்.ராஜா குறிப்பிட்டுள்ளார்.

இந்நிலையில் பெரியார் சிலை விவகாரத்தில் ஹெச்.ராஜா வருத்தம் தெரிவித்ததை தன்னால் ஏற்க முடியாது என நடிகர் கமல்ஹாசன் தெரிவித்துள்ளார். இதுதொடர்பாக செய்தியாளர்களிடம் பேசிய கமல்ஹாசன், “ ஹெச்.ராஜா வருத்தம் தெரிவிப்பது போதாது. அவரின் வார்த்தைகள் அம்பு போன்றது. ஹெச்.ராஜா வருத்தம் தெரிவித்ததை என்னால் ஏற்க முடியாது. மன்னிப்புக் கேட்டால்கூட அதனை ஏற்க முடியுமா என்ற நிலையில் வருத்தம் மட்டுமே ஹெச்.ராஜா தெரிவித்துள்ளார். பெரியார் சிலைக்கு போலீஸ் காவல் தேவையில்லை. தமிழர்கள் பார்த்துக்கொள்வோம்” என்றார். மேலும் பேசிய அவர், காவிரி மேலாண்மை வாரியம் அமைப்பதற்கான கெடு முடிந்து கொண்டிருக்கிறது. அதிலிருந்து தமிழர்கள் திசைத் திரும்பாமல் இருக்க வேண்டும். ஊடகத்தினரும் திசைத் திரும்பாமல் இருக்க வேண்டும் என தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:

[X] Close