[X] Close
JUST IN
  • BREAKING-NEWS கோப்பையுடன் வந்த வீரர்களை உற்சாகமாய் வரவேற்ற பிரான்ஸ்
  • BREAKING-NEWS 100 கிலோ தங்கம், ரூ.160 கோடி பணம் பறிமுதல்; ஒப்பந்ததாரரின் வீட்டில் தொடரும் சோதனை
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி

கோவை, நெல்லை எனத் தொடரும் ஆளுநர் ஆய்வு

governor-banwarilal-purohit-visit-nellai-and-discuss-with-officials-after-kovai

கோவையை தொடர்ந்து ஆளுநர் பன்வாரிலால் புரோஹித் இன்று நெல்லையில் ஆய்வு பணிகளை மேற்கொண்டார். 

கோவை மாவட்டத்திற்கு சமீபத்தில் சென்றிருந்த ஆளுநர் பன்வாரிலால், அதிகாரிகளை அழைத்து ஆய்வுக் கூட்டம் நடத்தினார். ஆளுநர் ஆய்வு நடத்தியதற்கு திமுக உள்ளிட்ட எதிர்க்கட்சிகள் கடும் எதிர்ப்பு தெரிவித்தன. ஆனால், ஆளும் அதிமுக, ஆளுநரின் ஆய்வு தவறான நடவடிக்கை இல்லை என்று கூறியது. மேலும், ஆளுநர் தனது ஆய்வு ஒவ்வொரு மாவட்டத்திலும் தொடரும் என்றும் கூறியிருந்தார். 

இந்நிலையில், நெல்லையில் உள்ள மனோன்மணியம் சுந்தரனார் பல்கலைக்கழகத்தின் 25 வது பட்டமளிப்பு விழா இன்று நடைபெற்றது. இந்த வெள்ளிவிழா பட்டமளிப்பு விழாவில் தமிழக ஆளுநரான பன்வாரிலால் புரோஹித் கலந்துகொண்டு மாணவர்களுக்கு பட்டம் வழங்கினார். இதனையடுத்து, ஆளுநர் பன்வாரிலால் தூய்மை இந்தியா திட்டத்தின் கீழ் நெல்லை சந்திப்பு பேருந்து நிலையத்தில் ஆய்வு மேற்கொண்டார். ஆய்வின் போது அவரும் சிறிதுநேரம் துடைப்பத்தால்  சாலையில் உள்ள குப்பைகளை தூய்மை செய்தார். ஆய்வின் போது, தூய்மையின் முக்கியத்துவம் குறித்த துண்டு பிரசுரங்களையும் பொதுமக்களிடம் வழங்கினார். இந்த ஆய்வின் போது மாவட்ட ஆட்சியர் சந்தீப், வருவாய் அலுவலர் முத்துராமலிங்கம் உள்ளிட்ட அதிகாரிகள் ஆகியோர் உடன் இருந்தனர். 

பின்னர், மாவட்டத்தின் பல்வேறு துறைகளை சேர்ந்த அதிகாரிகளை அழைத்து, வண்ணாரப்பேட்டையில் உள்ள சுற்றுலா மாளிகையில் ஆலோசனை நடத்தினார். இதனையடுத்து, மாலை 6 மணி முதல் 7 வரை பொதுமக்களை சந்தித்து மனுக்களை பெற்று கொள்கிறார். கோவை மாவட்டத்தை தொடர்ந்து நெல்லையிலும் ஆளுநர் ஆய்வு மேற்கொண்டுள்ளது தமிழக அரசியலில் மீண்டும் விவாதத்தை எழுப்பியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close