[X] Close
JUST IN
  • BREAKING-NEWS டெல்லியில் 28 ஆவது ஜிஎஸ்டி கூட்டம் அமைச்சர் பியூஷ் கோயல் தலைமையில் தொடங்கியது
  • BREAKING-NEWS இந்தியா திருக்கோயில் என்றால், கடவுள் இருக்கும் இடம் தமிழ்நாடு- முதலமைச்சர் பழனிசாமி
  • BREAKING-NEWS நிதி மசோதாவுக்கு ஒப்புதல் பெறப்பட்டு நிறைவேற்றப்படும்- புதுச்சேரி துணைநிலை ஆளுநர் கிரண்பேடி
  • BREAKING-NEWS ராமநாதபுரம்: மண்டபம் அருகே முயல் தீவுப் பகுதியில் ரூ.4 கோடி மதிப்புள்ள கடல் அட்டைகள் பறிமுதல்
  • BREAKING-NEWS நாடு முழுவதும் அகில இந்திய மோட்டார் காங்கிரஸ் சார்பில் 2 ஆவது நாளாக லாரிகள் வேலைநிறுத்தம்
  • BREAKING-NEWS விருதுநகர்: ராஜபாளையம் அருகே திருவள்ளூர் நகரில் பாலியல் புகாரில் பள்ளி தலைமை ஆசிரியர் கைது

டிச.3 சூரத் பேரணி: பாஜகவின் கோட்டையை தகர்ப்பாரா ஹர்திக் படேல்

hardik-patel-s-rally-in-surat-on-december-3

படேல் சமூக மக்கள் அதிகமாக வாழும் சூரத் நகரின் அத்தனை தொகுதிகளையும் கடந்த தேர்தலில் பாஜக கைப்பற்றியிருந்த சூழலில், படேல் சமூக தலைவர் ஹர்திக் படேல் டிசம்பர் 3 ஆம் தேதி பாஜகவுக்கு எதிராக தேர்தல் பிரச்சாரம் செய்யவுள்ளார்.

பட்டிதார் அனாமத் அந்தோலன் சமிதி இயக்கத்தின் தலைவர் ஹர்திக் படேல். படேல் சமூக மக்களுக்கு இடஒதுக்கீடு கோரி இவர் நடத்திய போராட்டங்கள் குஜராத் மாநில அரசையே ஆட்டம் காண வைத்தது. டிச.9 மற்றும் 14 ஆம் தேதிகளில் நடைபெறவுள்ள குஜராத் சட்டப்பேரவை தேர்தலில் ஹர்திக் காங்கிரஸ் கட்சிக்கு ஆதரவு தெரிவித்துள்ளார். மேலும், பாஜகவுக்கு எதிராக தீவிர பிரச்சாரமும் மேற்கொண்டு வருகிறார்.

இந்நிலையில் வரும் டிச.3 ஆம் தேதி ஹர்திக் படேல், பாஜகவுக்கு சிந்தாமல் சிதறாமல் வாக்கு விழும் சூரத் நகரில் வாக்கு சேகரிக்கவுள்ளார். சூரத் மற்றும் அதன் புறநகர் பகுதிகளில் படேல் சமூகத்தினரே அதிகம். வியாபார சமூகமான இவர்கள் ஜிஎஸ்டி மற்றும் பணமதிப்பு நீக்கத்தால் பெரும் பாதிப்புக்கு உள்ளானதாக தெரிகிறது. மேலும், பெரும்பான்மை சமூகமான படேல் சமூகத்தினருக்கு இடஒதுக்கீட்டு உரிமைகள் இல்லை என்று குற்றச்சாட்டு எழுந்துள்ளது. அதோடு, படேல் சமூகத்தை சேர்ந்த இளம் தலைவரான ஹர்திக் படேலுக்கு பெரும் செல்வாக்கும் உள்ளது. இந்நிலையில் ஹர்திக் படேலின் பேரணி, பாஜகவின் கோட்டையை தகர்க்குமா என்று பொறுத்திருந்துதான் பார்க்க வேண்டும்.

சூரத் நகரத்தில் உள்ள எந்த தொகுதியிலும் பாஜக, பழைய வேட்பாளர்களை நிறுத்தவில்லை. அமைச்சர்களுக்கு கூட அங்கு மீண்டும் சீட் வழங்கப்படவில்லை. கிஷோர் கனானி எம்.எல்.ஏ. ஒருவர் மட்டுமே பழைய வேட்பாளர். ஹர்திக் படேலின் வியூகங்களை முறியடிக்கவே இந்த வேட்பாளர் மாற்றம் என்று பேசப்படுகிறது.

Advertisement:
Advertisement:
Advertisement:
[X] Close