[X] Close
JUST IN
  • BREAKING-NEWS தென்னாப்பிரிக்க அணிக்கு எதிரான 3ஆவது டி20 கிரிக்கெட் போட்டியில் இந்திய அணி பேட்டிங்
  • BREAKING-NEWS நடிகர்கள் அரசியலுக்கு வரக்கூடாது எனும் விவாதம் தேவையில்லாதது, மக்கள்தான் முடிவு செய்ய வேண்டும் - நடிகர் சிம்பு
  • BREAKING-NEWS சென்னை வரும் பிரதமர் மோடியை வரவேற்க முதல்வர், துணை முதல்வர் சென்னை விமான நிலையம் வருகை
  • BREAKING-NEWS ஏப்ரல்.4ஆம் தேதி நெடுவாசல் மக்களை சந்திக்க மக்கள் நீதி மய்யம் கட்சித் தலைவர் கமல்ஹாசன் முடிவு
  • BREAKING-NEWS இவ்வளவு நாட்களாக சத்ரியனாக பார்த்த என்னை இனி சாணக்கியனாக பார்க்க போகிறீர்கள்- டி. ராஜேந்தர்
  • BREAKING-NEWS அரிதாரம் பூசிய வண்ண பலூன்கள் பார்க்க நன்றாகத்தான் இருக்கும்- துணை முதலமைச்சர் ஓ.பன்னீர்செல்வம்
  • BREAKING-NEWS நேற்று மாலை கொடியேற்றத்துடன் தொடங்கிய கச்சத்தீவு அந்தோணியார் கோயில் திருவிழா நிறைவு

தன்னம்பிக்கையே கருணாநிதியின் நலத்திற்கு காரணம்: எஸ்.வி.சேகர் பேட்டி

sv-sekar-interview-after-karunanidhi-meet

சென்னை கோபாலபுரம் இல்லத்தில் திமுக தலைவர் கருணாநிதியை திருநாவுக்கரசர், எஸ்.வி.சேகர் நேரில் சந்தித்து நலம் விசாரித்தனர்.

கடந்த ஆண்டு முதல் உடல்நலம் பாதிக்கப்பட்ட திமுக தலைவர் கருணாநிதி எந்த நிகழ்ச்சிகளிலும் பங்கேற்காமல் இருந்து வந்தார். உடல்நிலையை கருத்தில் கொண்டு முரசொலி பவள விழாவிலும் அவர் கலந்து கொள்ளவில்லை. அவரது உடல்நலம் தேறி வரும் நிலையில் கடந்த சில தினங்களுக்கு முன்னர் முரசொலி அலுவலகத்திற்கு சென்றார். இதனைத்தொடர்ந்து பிரதமர் மோடியும் சென்னை கோபாலபுர இல்லத்தில் திமுக தலைவர் கருணாநிதியை சந்தித்து பேசினார். தொடர்ந்து தமிழக அரசியல் கட்சி தலைவர்களும் கருணாநிதியை சந்தித்து பேசிவருகின்றனர்.

அந்த வகையில் கோபாலபுரம் இல்லத்தில் திமுக தலைவர் கருணாநிதியை தமிழக காங்கிரஸ் கமிட்டித் தலைவர் திருநாவுக்கரசர் நேற்று சந்தித்து பேசினார். இதனைத்தொடர்ந்து செய்தியாளர்களிடம் பேசிய திருநாவுக்கரசர், "முன்பு இருந்ததைவிட கருணாநிதி நலமுடன் இருக்கிறார். தற்போது என்னை பார்த்த உடனேயே அடையாளம் கண்டுகொண்டார். நன்றாக சிரித்தார். கை கொடுத்தார். பேச முயற்சித்தார். ஆனால் முடியவில்லை" என்றார்.

இதேபோன்று, பாரதிய ஜனதா கட்சியை சேர்ந்த நடிகர் எஸ்.வி.சேகரும் கருணாநிதியை சந்தித்து நலம் விசாரித்தார். பின்னர் செய்தியாளர்களிடம் பேசிய எஸ்.வி.சேகர், "முன்பை விட அவரது உடல் நிலையில் நல்ல முன்னேற்றம் உள்ளது. சிரிக்கிறார். எளிதாக அடையாளம் கண்டுகொள்கிறார். இவர் இவ்வாறு நலமாக இருக்க காரணம் அவரின் ‘வில் பவர்’தான் காரணம். கூடிய விரைவில் இயல்பான நிலைக்கு வருவார் என்ற நம்பிக்கை உள்ளது" என்றார்.

வீடியோ

Advertisement:
Advertisement:
Advertisement:
[X] Close