[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

காவிரி மேலாண்மை வாரியம் விவகாரம்: அமித் ஷாவுடன் தமிழக பாஜக தலைவர்கள் நாளை சந்திப்பு

cauvery-management-board-issue-tamilnadu-bjp-leaders-meet-amit-shah-at-tomorrow

காவிரி மேலாண்மை வாரியம் அமைக்க உச்ச நீதிமன்றம் உத்தரவிட்ட போதிலும், மேலாண்மை வாரியத்தை அமைக்க மத்திய அரசு மறுப்பு தெரிவித்துவிட்டது. இந்நிலையில் காவிரி மேலாண்மை வாரியம் அமைக்க கோரி பாஜகவின் தேசியத் தலைவர் அமித்ஷாவை தமிழிசை சவுந்தரராஜன் உள்ளிட்ட தமிழக பாஜக தலைவர்கள் நாளை சந்திக்க உள்ளனர்.

தமிழகத்துக்கு சேர வேண்டிய தண்ணீரை, காவிரியில் இருந்து திறந்து விடும்படி, உச்ச நீதிமன்றம், அடுத்தடுத்து பிறப்பித்து வரும் உத்தரவுகளை கர்நாடக அரசு தொடர்ந்து மீறியது. இதனால், கோபமடைந்த நீதிபதிகள், கர்நாடக அரசு கடும் விளைவுகளை சந்திக்க நேரிடும் என்று கூறியதோடு, அக்டோபர் 4ம் தேதிக்குள் காவிரி மேலாண்மை வாரியம் அமைக்கும்படி, மத்திய அரசுக்கு, செப்டம்பர் 30ம் தேதி உத்தரவிட்டனர். இதனை முதலில் மத்தியில் ஆளும் பாஜக அரசு ஏற்றுக் கொண்டது.

ஆனால் திடீரென காவிரி மேலாண்மை வாரியம் அமைக்க பாஜக அரசு கடும் எதிர்ப்பு தெரிவித்தது. உச்ச நீதிமன்றத்தில் மத்திய அரசின் அட்டர்னி ஜெனரல் முகுல் ரோத்தகி கூறுகையில் ‘காவிரி மேலாண்மை வாரியம் அமைப்பதற்கான உத்தரவை, உச்ச நீதிமன்றம் பிறப்பிக்க முடியாது. மாநிலங்கள் இடையிலான நதிநீர் பிரச்னைக்கு தீர்வு காண, நாடாளுமன்றத்தில் சட்டம் இயற்றி, நடுவர் மன்றம் அமைக்கப்பட்டு இறுதி தீர்ப்பு வழங்கிய பின், அது தொடர்பான எந்த பிரச்னை மீதும் உச்ச நீதிமன்றம் உத்தரவு பிறப்பிக்க இயலாது. காவிரி மேலாண்மை வாரியம் அமைக்கலாம் என, காவிரி நடுவர் மன்றம் கூறியது பரிந்துரை மட்டுமே. அதை,மத்திய அரசு ஏற்கலாம் அல்லது நிராகரிக்கலாம்’ என்றார்.

இதனால் தமிழகத்தில் பெரும் கொந்தளிப்பான சூழல் ஏற்பட்டது. இந்ந விவகாரம் தமிழக பாஜகவிற்கு நெருக்கடி ஏற்படுத்தியுள்ளது. இந்த நிலையில் தமிழக பாஜக தலைவர்களான மத்திய இணை அமைச்சர் பொன். ராதாகிருஷ்ணன், மாநிலங்களவை எம்.பி. இல. கணேசன், தமிழிசை சவுந்தரராஜன், ஹெச். ராஜா, சி.பி. ராதாகிருஷ்ணன் உள்ளிட்டோர் டெல்லி சென்றுள்ளனர்.. டெல்லியில் பாஜக தேசியத் தலைவர் அமித்ஷாவை நாளை பிற்பகல் 2 மணி அளவில், தமிழக பாஜக தலைவர்கள் சந்திக்க உள்ளனர். அப்போது காவிரி மேலாண்மை வாரியத்தை மத்திய அரசு அமைக்க நடவடிக்கை எடுக்க வேண்டும் என்று அமித்ஷாவிடம் அவர்கள் வலியுறுத்த உள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close